Психология фанларини ўҚитишда ўйинли технологиялардан фойдаланишнинг хусусиятлари

7 - ўйин: «Менинг касбий ролим».
Ўйин мақсади: ўқитувчи билиш лозим бўлгансинф билан мулоқотини ва ички ҳолатларини самарали ҳал этиш.
Гуруҳ айланма бўлиб ўтиради ва психолог ҳар бир қатнашчига касбий коммуникатив сифатларни кўрсатувчи роль ёзилган карточкаларни тарқатади.
Карточкаларда қуйидаги сўзлар ёзилган бўлиши мумкин, «ёрдамчи она, тарбиячи, сардор, идеал ўқитувчи билан ота – оналар ўртасидаги воситачи дўст ўйин интеллектуал судья кузатувчи дарс берувчи».
Ҳар бир қатнашчи ўзининг позицион роли баён этилган карточкасини олди ва унга ушбу позициясида тутган ўрнини айтади. Берилган роль позициясига қарши чиққанда кичик ўқувчилар билан мулоқотда позицияни баён этиш лозим. Вазият муҳокама қилинади, айниқса кичик мактаб ёшидаги ўқувчилар олдида тутган ўрни ҳақида алоҳида тўхталинади.
Муҳокама гуруҳ ичида айлана тарзида ёки навбат билан фикрни билдиришга мумкин. Гуруҳ муҳокамасида психолог ўқитувчилар диққатини кейинги вазиятга; ҳар ўқитувчининг шахсий ички ролини ўқувчилар билан муносабатини улар билан мулоқотда самимий ва очиқ кўнгил бўлиши лозимлигини ўқтиришга ҳаракат қилиши лозим.
8 - ўйин: «Менинг биринчи ўқитувчим».
Ўйин мақсади: ўқитувчиларда педагогик рефлекция қобилиятини ривожлантириш шахсий тарбиявий таъсир оқибатларини баҳолаш ва таҳлил қилиш. Психолог гуруҳ иштирокчиларига ўзининг биринчи ўқитувчиси болаларга қандай муносабатда бўлган дарсни қандай тушунтирилганлиги, ҳақида гапириб беришни сурайди.
Умумий муҳокамада психолог гуруҳ иштирокчилари, эътиборини ўз фаолиятида биринчи ўқитувчисининг услуби ва муҳокамасини такрорлашга ёки бошқаларга муносабатда адолатли ва мулойимроқ нимададир унга нисбатан яхши бўлимга интилишга қаратиш лозим.
Ўқитувчиларда шахсий болалик хотираларини қайта эсга тушириш негизида болаларни ҳис қила олишни режалаштириш муҳим.
9 - ўйин: «Интанация» (оҳанг)
Ўйин мақсади: ўқитувчиларнинг коммуникатив имкониятлари диапозонини кенгайтириш.
Гуруҳнинг ҳар бир аъзосига қандайдир, ўқувчига қаратилган мақтов сўзларни айтиш таклиф қилинади. Масалан «балли! Сенда ҳамма нарса яхши бўлади» каби сўзларни айтиш мумкин. Бунда айтилган сўзлар иштирокчи томонидан 5 – марта турли оҳангда яхши айтилганини муҳокама қилади. Психолог ҳар бир ўқитувчига ўқувчилар билан мулоқот учун ифодалироқ оҳангни топишга ёрдамлашади.