Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

§ 3. Massa almashish jarayonlari.
75. Reglamentlangan qiymatlardan texnologik parametrlarning og‘ishi natijasida massa almashtirish jarayonlarini ishlab chiqishda va olib borishda portlash xavfi bor beqaror birikmalar hosil bo‘lishi mumkin bo‘lgan, portlash xavfi bor I va II toifali texnologik bloklardagi obyektlar uchun bu parametrlarni avtomatik tartibga solish vositalari tutilishi kerak.
Portlash xavfi bor III toifali texnologik bloklardagi obyektlar uchun, jarayonning ko‘rsatilgan parametrlarini avtomatik nazorati va ularning ruxsat berilgan qiymatlari oshganligi haqidagi signalizatsiya bilan ta’minlangan qo‘lda (qo‘l kuchi bilan) (ishlab chiqarish xodimlari tomonidan) tartibga solish operatsiyasini bajarishga ruxsat beriladi.
76. Havodagi kislorod portlash xavfi bor aralashmalar hosil qilish xususiyatiga ega moddalar ishlatiladigan, siyraklashish ostida ishlaydigan kolonnalarda bug‘-gaz fazasida kislorodning miqdorini avtomatik nazorati nazarda tutiladi. Portlash xavfi bor III-toifali texnologik blokli obyektlar uchun, davriy nazorat usullari va vositalari nazarda tugilishiga ruxsat beriladi; nazorat davriyligi va usullari reglamentlanadi.
77. Yonuvchi suyuqliklarni rektifikatsiyalash kolonnalari, kub qismidagi suyuqlikning sathini va haroratini, ajratishga kelayotgan mahsulot va flegmaning haroratini nazorat qiluvchi va avtomatik ravishda tartibga soluvchi vositalar bilan ta’minlanadi, shuningdek portlash xavfsizligi jarayonlarini aniqlaydigan, parametrlar qiymatlarining xavfli og‘ishlari va zaruriyat bo‘lganda kolonnaning pastki va yuqorigi qismlarida bosim o‘zgarishi haqida signal vositalari bilan ta’minlanadi.
78. Rektifikatsiya kolonnasiga kelayotgan flegmalar kelish to‘xtasa sodir va jarayon parametrlarining xavfli og‘ishiga olib kelish holati bo‘lsa, flegmalarni uzluksiz berilishini ta’minlovchi choralar nazarda tutiladi.
79. Adsorbsiya va desorbsiya jarayonlarini o‘tkazishda, yutqichlarni o‘z-o‘zidan yonib ketishiga yo‘l qo‘ymaslik choralari tutiladi, shuningdek adsorberlarni o‘z-o‘zidan yonish o‘choqlarini avtomatik nazorat qilish vositalari va ularni o‘chirish moslamalari bilan ta’minlash bo‘yicha choralar nazarda tutiladi.