Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

§ 2. Moddiy muhitlarning ajratish jarayonlari.
66. Kimyoviy mahsulotlarni ajratish texnologik jarayonlari, portlash mintaqasidan tashqarida amalga oshirilishi kerak. Bunda jarayonning barcha bosqichlarida portlash xavfi bor aralashmalar hosil bo‘lishini oldini olish choralari nazarda tutiladi. Muhitning ajratish darajasi va portlash xavfsizligi choralari, texnologik jarayonni ishlab chiqishda aniqlanadi va reglamentlanadi.
67. Yonuvchi bug‘larni (gazlarni) va suyuqliklarni ajratishda, avtomatik nazorat vositalari va fazalarni ajratish sathini (darajasini) tartibga solish vositalari nazarda tutiladi. Fazalarni ajratish sathini nazorat qilish vositalarini ishlatish zaruriyati, jarayonni ishlab chiqarish va korxonani (ishlab chiqarishni) loyihalashtirish bosqichlarida aniqlanadi.
68. Yonuvchi va yonmaydigan suyuq mahsulotlarni ajratish sig‘imli apparaturasi, atrof muhitga yonuvchi bug‘larni chiqib ketishiga yo‘l qo‘ymaydigan yopiq drenaj tizimlar bilan ta’minlanishi kerak.
69. Kanalizatsiyaga tashlanishi kerak bo‘lgan yonmaydigan suyuqliklarda erigan yonuvchi gazlar bor bo‘lsa, ularni ajratib olish choralari ishlab chiqiladi. Yonmaydigan suyuqliklardagi erigan yonuvchi gazlarning qolgan miqdori nazorat qilinishi kerak, nazoratning davriyligi va gazlarning ruxsat berilgan reglamentlanishi kerak.
70. Gaz-suyuqlik aralashmalarning ajratish tizimlari, gaz fazasini suyuqlikka tushishini va bug‘-gaz fazasidan suyuqlikni chiqib ketishini oldini oluvchi faza ajratgich bilan ta’minlanadi.
71. Suspenziyalarni ajratish uchun asbob-uskunalar inert muhitlar parametrlarining yo‘l qo‘yilmaydigan og‘ishlarida ishga tushishiga yo‘l qo‘ymaydigan, suspenziyalar berilishini o‘chirishni va to‘xtatishni ta’minlaydigan to‘siqlar (blokirovkalar) jihozlanadilar.
72. Markazdan qochirma apparatlarda (tsentrofugalarda) suspenziyalarni ajratish jarayonlarini ishlab chiqish va olib borish, markazdan qochirma apparatlarning o‘zida xam, xonaning ish mintaqasi (zonasi) atmosferasida ham portlash xavfi bor aralashmalarni hosil bo‘lishiga yo‘l qo‘ymaslik kerak.
73. Yonuvchi aerozollarni (gaz - qattiq fazasi) filtrlarda (elektr filtrlarda) va siklonlarda ajratish texnologik jarayonlari uchun, ularni o‘tkazishda portlash xavfsizligini ta’minlovchi choralar nazarda tutiladi. Shu bilan birga, bu apparatlarda siyraklanishni avtomatik nazorati, zaruriyat bo‘lganda esa - boshlang‘ich aerozolda yoki chiqib ketuvchi gaz fazasida kislorodning miqdorini avtomatik nazorati, shuningdek elektr statistik maydon kuchlanishining xavfli qiymatlari paydo bo‘lishiga yo‘l qo‘ymaslik bo‘yicha choralar nazarda tugiladi.
74. Aerozollarni ajratish apparatlari uchun, bu apparatlarni ichki yuzasida qattiq faza qatlamlarini hosil bo‘lishini oldini olish bo‘yicha yoki ularni yo‘qotish (olib tashlash) (antiadgezion qoplama, mexanik silkituvchi, vibratorlar, qo‘shimchalar kiritish va shu kabilar) bo‘yicha ishonchli va samarali choralar nazarda tugiladi. Cho‘kindi qatlamlarni yo‘qotish (olib tashlash) (changsizlantirish) bo‘yicha operatsiyalarni olib borish davriyligi va xavfsiz usullari reglamentlanadi.