Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

I bob. Umumiy qoidalar
1. Ushbu “Portlash-yonish xavfi bor, kimyo', neft-kimyo va neft-gazni qayta ishlash korxonalari uchun portlash xavfsizligining umumiy qoidalari” PXUQ (keyinchalik — Qoidalar) sanoat xavfsizligini ta’minlashga, avariyalarni, kimyo, neftkimyo va neft-gazni qayta ishlash sanoatining xavfli ishlab chiqarish obyektlarida ishlab chiqarishdagi jarohatlanish holatlarini oldini olish (ogohlantirish)ga qaratilgan, shuningdek bug‘-, gaz- va chang-havo portlash-yonish xavfi bor aralashmalar hosil bo‘ladigan moddalar foydalanishidagi boshqa xavfli ishlab chiqarish obyektlariga nisbatan talablarni o‘rnatadi.
2. Qoidalar quyidagi holatlarda qo‘llash uchun mo‘ljallangan:
a) xavfli ishlab chiqarish obyektlarini loyihalashtirishda, qurilishida, foydalanishida, quvvatini oshirishda, qayta ta’mirlashda, texnikaviy qayta ta’mirlashda, konservatsiya qilishda va tugatishda;
zaharlovchi va oksidlovchi moddalarni, shuningdek bug‘-, gaz- va chang-havo portlash-yonish xavfi bor aralashmalar hosil qilish xossasiga ega moddalarni saqlash va ular bilan muomala qilish bilan bog‘liq neft va gazni qayta ishlash, kimyo va neftkimyo sanoatida va boshqa korxonalarda;
neft mahsulotlari bilan ta’minlashda;
portlash xavfi bor moddalarni, shu jumladan vodorod, ammiak, suyultirilgan uglevodorod gazi va tez alangalanuvchi suyuqliklarni kiritgan holda, ularni qabul qilishda, saqlashda (to‘kish-quyish) va foydalanishda;
b) “a” bandida ko‘rsatilgan obyektlarda foydalanilayotgan texnik qurilmalarni tayyorlashda, montaj qilishda, sozlashda, xizmat ko‘rsatishda va ta’mirlashda;
v) “a” bandida ko‘rsatilgan xavfli ishlab chiqarish obyektlarida bino va inshootlarni loyihalashtirishda, foydalanishda, konservatsiya qilishda va tugatishda;
g) “a” bandida ko‘rsatilgan xavfli ishlab chiqarish obyektlarida sanoat xavfsizligi ekspertizasini olib borishda.
3. Avariyalarni va ishlab chiqarishdagi jarohatlanishlarni oldini olish bo‘yicha ishlarni tashkil qilish maqsadida, o‘z tarkibida portlash-yonish xavfi bor obyektlarga ega tashkilotlar sanoat xavfsizligini boshqarish bo‘yicha me’yoriy-texnik hujjatlarni ishlab chiqadilar va ularning samarali ishlatilishga va talablariga rioya qilinishini ta’minlaydilar,
4. Loyihalash faoliyatini, hamda montaj qilish, asbob-uskunalarni va inshootlarni ta’mirlash, xodimlarni o‘qitish bo‘yicha faoliyatini amalga oshiruvchi tashkilotlar ishlarni xavfsiz olib borilishini ta’minlash bo‘yicha me’yoriy-texnik hujjatlarni ishlab chiqadilar va samarali ishlatilishini ta’minlaydilar.