Poliz ekinlari

1. Эртапишар навлар (майсалар пайдо бўлгандан то биринчи мева пишгунига қадар 65-80 кун ўтади).
2. Ўртапишар навлар (ўсув даври 81-110 кун).
3. Кечпишар навлар (ўсув даври 110 кундан ортиқ).
Мамлакатимизда раёнлаштирилган 33 та қовун навидан эртапишар навлар 9 та, ўртапишар навлар 14 та ва кечпишарлари 10 та навни ташкил этади.Эртапишар навлар ичида ҳандалаклар ва ёзги эти юмшоқ қовун гуруҳларига мансублари; ўртапишар қовунлар ичида - ёзги эти юмшоқ ва ёзги эти қаттиқ қовун навлари; кечпишар навлар ичида эса кузги ва қишки қовун навлари мавжуд. (1-жадвал).
Ўзбекистонда 20 тадан ортиқ тарвуз навлари учрайди, шулардан 12 таси раёнлаштирилган. Ўсув даври узунлигига кўра тарвуз навлари қуйидаги гуруҳларга бўлинади:

1. 
   Эртапишар (майса униб чиққандан то биринчи мева пишгунга қадар 85 кунгача ўтади).
   
2. 
   Ўртапишар (ўсув даври 85-110 кун).
   
3. 
   Кечпишар (ўсув даври 110 кун ва ундан ортиқ)
   

Мамлакатимизда районлаштирилган тарвуз навларини ўсув даври узунлигига кўра 3 гуруҳга киритиш мумкин: эртапишар навлар - Ўринбой, Олмос, Маҳаллий Мозаичний, Ўзбек - 452; Ўртапишар навлар - Корол Куби - 92, Мраморний, Дилноз, Необичний, Спутник; кечпишар навлар - Қўзивой 30, Ҳайит - қора, Гулистон.
Ўзбекистон Республикаси қовоқнинг турли хил навларига эга. Жамоа, деҳқон - фермер хўжаликларида ва шахсий томорқаларда қовоқнинг 140 дан ортиқ нав намуналари учрайди, булардан мускат қовоқлари 40-45% ни, йирик мевали қовоқлар 30-35% ни ва қаттиқ пўстли қовоқлар 25-30% ни ташкил этади. Республикамизда фақатгина 4 та нав раёнлаштирилган. Булардан Қашқар 1644 ва Палов кади 268 навлари мускат қовоқларига мансуб. Испан 73 нави йирик мевали қовоқларга ва Нон-кади нави қаттиқ пўстли қовоқлар турига киради. Испан 73 нави кечпишар ҳисобланиб, ўсув даври 120-130 кун, бошқа навлар эса ўртапишар бўлиб ўсув даври 110-120 кун.
Ўзбекистон Республикаси вилоятларида районлаштирилган қовун навлари
1-жадвал.