Poliz ekinlari

1. Хоразм қовунчилик макони. Шимолий-Қорақалпоқ ва Хоразм-Қорақалпоқ ҳудудларини ўз ичига олади. Бу ердаги иқлим кескин континентал, қиш даври узоқ. Тупроқлари шўрланган, чўл зонасининг ўтлоқи турларига оид. Бу маконда 30 дан ортиқ қовун турлари экилади.
2. Тошкент қовунчилик макони. Тошкент, Сирдарё ва Жиззах вилоятларини ўз ичига олади. Қиш даври бир мунча юмшоқ, ёзи қуриқ ва жазирама. Тупроқларнинг типик бўз, ўтлоқи-бўз, ўтлоқи ва оч тусли бўз турлари тарқалган.
3. Фарғона қовунчилик макони. Фарғона водийсининг Андижон, Наманган ва Фарғона вилоятларининг текис ҳудудида жойлашган. Қиш мавсуми юмшоқ, ёзи иссиқ, ёғин миқдори камлиги билан таърифланади. Ерлари ўтлоқи ва ўтлоқи-ботқоқ, оч тусдаги ва типик бўз тупроқлари шўрланмаган ёки кам шўрланган.
4. Зарафшон қовунчилик макони. Зарафшон дарёси ҳавзасида жойлашган бўлиб, Самарқанд, Навоий, Бухоро вилоятларини қамраб олади. Бу ерларнинг иқлим шароити барча текис ерли туманларида полиз экиларини суғориб етиштиришга, тоғ олди туманларида эса лалмикор ерларда етиштиришга имкон яратади. Бу маконда асосан шўрланмаган типик ва оч тусли бўз, ўтлоқи ва ботқоқ тупроқлар, Бухоро вилоятида эса шўрланган ўтлоқи ва ўтлоқи тақир тупроқлар тарқалган.
5. Жанубий қовунчилик макони. Сурхондарё ва Қашқадарё вилоятларини ўз ичига олади. Қиш даври бу ерда жуда ҳам юмшоқ, ёзи жазирама. Қовунларни ғалла экинларидан кейин такрорий экин сифатида етиштириш мумкин. Тупроқ турлари ранг-баранг.
Саволлар:

1. 
   Полиз ва сабзавот экинлари ўртасида қандай ўхшашлик ва фарқлар бор?
   
2. 
   Полиз экинлари ва турларининг яна қандай хусусиятларини биласиз?
   
3. 
   Полиз экинларидан қайси бири инсониятга олдинроқ маълум бўлган?
   
4. 
   Сиз яшайдиган жойда полиз экинларининг қайси турлари ва навлари етиштирилади?
   

2- МАВЗУ: ПОЛИЗ ЭКИНЛАРИНИНГ БОТАНИК ТАСНИФИ ВА НАВЛАРИ
Режа:

1. 
   Қовоқгуллилар оиласи вакилларининг қисқача тавсифи.
   
2. 
   Cуcумис авлоди таснифи.
   
3. 
   Cитруллус авлоди таснифи.
   
4. 
   Cурурбита авлоди вакилларининг таснифи.
   
5. 
   Ўзбекистонда раёнлаштирилган полиз экинларининг навлари.