Poliz ekinlari

Полиз экинларига минерал ўғитларни солиш миқдори.

(кг/гектарига соф модда ҳисобида)

2-жадвал

Бўз тупроқли ерлар			Ўтлоқи ва ўтлоқи ботқоқ тупроқлар
Н	Р2О5	К2О	Н	Р2О5	К2О
100-150	100-150	50	80-100	100-120	50-60

4. Уруғни тайёрлаш. Экиш учун тўлиқ уруғлар олинади. Уруғлар 3-5 % ли ош тузи эритмасига солиниб, эритмада чўккан уруғлар танлаб олинади. Сараланган уруғлар тоза сувда ювиб ташланади. Уруғни экиш олдидан ивитиш тавсия этилади. Бунинг учун уруғлар тез-тез алмаштирилиб туриладиган илиқроқ сувда 8-10 соат давомида ивитилиши лозим. Уруғни экишдан олдин сал қуритиб олиш мақсадга мувофиқ, чунки бунда улар сепилувчан бўлади.

Ўсимликлар касалликларга чалинишини олдини олиш мақсадида уруғларни экиш олдидан ўсимликка биоген таъсир этувчи моддаларнинг сувли эритмасида ивитиш-метилен кўки (метиленовая син) -12 литр сувга 4 грамм модда ҳисобида; салицил кислотаси -1 литр сувга 0,1-0,5 мг ва микроелементлар эритмасида ивитиш (0,1-0,5 % ли бор кислотасида); 0,02-0,05 % ли марганец сулфат тузида; 0,005-0,01 % ли кобалт сулфат тузи ёки 0,02-0,04 % ли алюмин-молибдат нордон тузи эритмасида ивитиш уларнинг ўсишига яхши таъсир кўрсатади.

5. Полиз экинлари уруғлари тупроқнинг 8-10 см чуқурликдаги ҳарорати +12+15^о С даражага етганида экишга киришилади. Бундай шароитлар Ўзбекистоннинг жанубида апрел ойи бошида, шимолда эса апрел ойи охирида содир бўлади. Экиш муддатлари маҳсулот пишиб етилиши вақтига ҳам боғлиқ, бинобарин, қовун ва тарвузнинг қишда сақланадиган кечки навлари май ойи охири -июн ойи бошларида экилади, бунда ҳосилнинг кўп қисми сентабр-октабр ойида етилади.

Экиш чуқурлиги уруғларнинг майда-йириклигига, экиш муддатларига, тупроқнинг намлиги ва таркибий хусусиятларига боғлиқдир. Одатда, тарвуз ва қовоқ уруғлари 5-7 см ва қовун уруғлари 4-6 см чуқурликка экилади.