PhD. Samatov A. A

Inspeksion nazoratni o‘tkazish tartibi
SI buyrug‘i inspeksion nazoratni o‘tkazish uchun asos bo‘lib xizmat qiladi. Buyruqda komissiya tarkibi va inspeksion nazorat o‘tkazish muxlatlari ko‘rsatiladi. Inspeksion nazorat o‘tkazish muxlati 30 ish kunidan oshmasligi kerak.
Sertifikatlangan mahsulotga nisbatan inspeksion nazorat sifat bo‘yicha ekspert – auditorlar tomonidan amalga oshiriladi.
Zarur bo‘lgan xolatlarda SI sifat bo‘yicha ekspert–auditorlarni boshqa akkreditlangan SI dan shartnoma asosida taklif etishi mumkin.
Komissiya a’zolari sir saqlash talablariga rioya qilishlari zarur.
Inspeksion nazorat SI raxbari tomonidan tasdiqlangan dastur asosida amalga oshiriladi. Inspeksion nazorati dasturi maksad va ob’ektni o‘z ichiga olishi, ishning xajmi va inspeksion nazorat o‘tkazish tartibiga ega bo‘lishi zarur.
Buyruq va inspeksion nazorat o‘tkazish tartibining bir nusxasi ishlab chiqaruvchiga taqdim etiladi.
Inspeksion nazorat ishlab chiqaruvchi ishtirokida undan yoki savdo shaxobchasidan 2 va 4 sxemalarga muvofiq namuna olishdan boshlanadi. Namuna olish va identifikatsiya o‘tkazish akt to‘ldirish bilan amalga oshiriladi.
Ishlab chiqaruvchi o‘z mahsulotidan namuna olishda va sinov o‘tkazishda qatnashish xuquqiga ega.
Sinov uchun ishlatiladigan namuna miqdori namuna olish va identifikatsiya o‘tkazish tartibi me’yoriy xujjatlar talablari asosida o‘tkaziladi.
Maxsulot namunalarini sinash:
Akkreditatlangan SL (markazlarda);
Agarda texnik ishonchlilikka akkreditatlangan bo‘lsa ishlab chiqaruvchining laboratoriyasida, inspeksion nazorat komissiyasi ishtirokida.
Sinov natijalari bayonnoma bilan to‘ldiriladi.


Inspeksion nazorat natijalarini rasmiylashtirish

Inspeksion nazorat natijalari asosida komissiya erkin formada 2 nusxada akt tuziladi va bir nusxasi ishlab chiqaruvchiga 2 nusxasi SI yuboriladi.

Inspeksion nazorat akti komissiya a’zolari va ishlab chiqaruvchi tomonidan imzolanadi, agarda natijalar qanoatlantirmasa o‘z fikrini bayon etish imkoni beriladi.
Inspksion nazorat aktida me’yoriy xujjatlar talablariga mos ravishda sertifikatlanayotgan mahsulot muvofiqligi ishlab chiqaruvchi haqida boshlang‘ich ma’lumot, texnologik jarayonlar ko‘rsatilishi va ishlab chiqarishni metrologik ta’minoti va xulosasi keltiriladi.
Inspeksion nazorat natijalari asosida SI inspeksion nazorat aktini tuzgan vaktidan boshlab 3 kun ichida qaror qabul qiladi. Bu qarorda sertifikatni davomiyligini tasdiqlaydi, to‘xtatadi yoki bekor qilishi mumkin.
Karor qabul qilingandan so‘ng uch kundan oshmagan vaqt mobaynida qarorning bir nusxasi ishlab chiqaruvchiga yuboriladi.
Agarda sertifikat qarorga muvofiq to‘xtatilgan bo‘lsa aniqlangan kamchiliklarni tuzatish uchun chora tadbirlar qabul qilish uchun muddat ko‘rsatiladi.
Agarda muvofiqlik sertifikatini bekor qilish haqida qaror qabul qilsa SI 3 kundan oshmagan mudatta bu haqida "Uzstandart" agentligiga, bojxona va soliq qo‘mitalariga va kerak bo‘lsa ommaviy axborot markazlariga xabar berishi kerak.
Bekor qilingan muvofiqlik sertifikati O‘zbekiston Respublikasi milliy sertifikatlashtirish tizimi (MST) reestridan o‘chirilgan vaqtdan boshlab kuchga kiradi.
Bekor qilingan muvofiqlik sertifikati SI tomonidan yo‘q qilinadi va bu haqida kerakli jurnalga belgilab qo‘yiladi. Bunda quyidagilar keltirilishi lozim:
a) SI bekor qilganligi haqidagi qarorning raqami va vaqti;
b) mahsulotning nomi;
v) ishlab chiqaruvchining nomi;
g) tartib raqami va muvofiqlik sertifikatining davlat reesstrining raqami;
d) yo‘q qilish kuni.
SI qabul qilgan qarori bilan rozi bo‘lmagan tomon "Uzstandart" agentligining Appelyasiya komissiyasiga yoki sudga murojaat etishi mumkin.
"Uzstandart" agentligi Appelyasiya komissiyasining qarori ham qonunda ko‘rsatilgan tartibda sudga shikoyat qilinishi mumkin.