Personalni boshqarish

Tarjimai hol - muallif shaxsan o’zi ixtiyoriy ravishda, ammo muayyan talablarga amal qilgan holda to’ldiradigan hujjatdir. Ishga qabul qilinganda tarjimai hoi A4 formatidagi qog’oz varag’ida yoki maxsus blankada qo’l bilan yoziladi. Uni izohlash shakli - darak shakli (o’z nomidan yoziladi).
Barcha ma’lumotlar insonning hayotiy yo’li, ish bo’yicha malakasi va shaxsiy qobiliyatlari to’g’risida ta’assurotlarni hosil qilish uchun xronologik tartibda beriladi. Mehnat faoliyatini izohlashda lavozimlarni sanash bilan cheklanmaygina, bitta ishdan ikkinchi ishga o’tish sabablarini ham tushuntirishi lozim. Agar vaqtinchalik ishlamagan bo’lsa, uning sababini ko’rsatishi lozim. Shuningdek, yashash joyi o’zgarganligi to’g’risida yozishi lozim.
Tarjimai holda odatda hujjatning nomi; muallifning ismi, otasining ismi va familiyasi; tug’ilgan kuni, oyi va yili, tug’ilgan joyi; ota-onalar to’g’risida ma’lumot (tug’ilgan kuni, oyi va yili, tug’ilgan joyi); ma’lumot va mutaxassisligi bo’yicha ma’lumot; mehnat faoliyatining turi; oxirgi ish joyi; mukofot va rag’batlar; oilaviy holati va oila tarkibi; uy manzili va telefon raqamlari; sana ko’rsatiladi va shaxsiy imzo qo’yiladi.
Tavsifnoma - korxona, muassasa, tashkilot ma’muriyati bir qator masalalarni (o’quv yurtiga kirish, boshqa davlatga xizmat safariga borish, lavozim uchun attestatsiyadan o’tish va h.k.) echishda o’z xodimiga beradigan rasmiy hujjatdir. U A4 formatdagi umumiy blankda rasmiylashtirilishi mumkin. Tavsifnomada xodimning xizmat faoliyati bo’yicha taqrizlar beriladi, uning ishchanlik va shaxsiy qobiliyatlari baholanadi.
Tavsifnomaning rekvizitlari: hujjat turining nomi (tavsifnoma); tavsifnoma berilayotgan tashkilotning nomi; xodimning ismi, sharifi, familiyasi; matn; imzolar; muhr. Tavsifnoma matnida bir-biri bilan mantiqan bog’langan tarkibiy qismlarni ajratib olishimiz mumkin: birinchi qism - hujjatning nomidan keyin keladigan ism, sharifi va familiyasi, lavozimi, ilmiy daraja va ilmiy unvoni (agar bo’lsa), tug’ilgan yili, ma’lumoti ko’rsatiladigan anketa ma’lumotlari; ikkinchi qism - mehnat faoliyati to’g’risida ma’himotlar (mutaxassisligi, mazkur korxona yoki tashkilotda mehnat davomiyligi, xizmat bo’yicha ko’tarilishi to’g’risidagi ma’lumotlar, kasbiy mahorat darajasi va h.k.); uchinchi qism - tavsifnomaning o’zi, ya’ni shaxsiy va mehnatga oid qobiliyatlarni baholash (mehnatga munosabati, kasbiy va madaniy darajasini oshirish, turmushdagi holati, hamkasblarga munosabati); xodimda mukofot va boshqa xizmat rag’batlari mavjudligi; to’rtinchi qism - yakuniy - xulosadan iborat bo’lib, unda tavsifnomaning maqsadi ko’rsatiladi.
Tavsifnomaning matni uchinchi shaxs nomidan izohlanadi. Tavsifnomani korxona rahbari imzolaydi. Imzo gerbli muhr bilan tasdiqlanadi va tavsifnomani imzolash sanasi qo’yiladi. Tavsifnoma xodimning shaxsan qo’liga beriladi yoki uning roziligi bilan ushbu hujjatni so’ragan muassasa, tashkilot, korxonaga yuboriladi.

3.