Pedagogika universiteti fizika-matematika fakulteti

33. Berilgan to’g’ri chiziqda yotuvchi nuqtadan unga nechta perpendikulyar to’g’ri chiziq o’tkazish mumkin?
34. To’g’ri burchakning o’lchami necha gradusga teng?
35. Berilgan nuqtadan to’g’ri chiziqqa tushirilgan perpendikulyar deb nimaga aytiladi?
36. Berilgan nuqtadan to’g’ri chiziqqa tushirilgan og’ma nima?
37. Berilgan A nuqtadan to’g’ri chiziqqa nechta og’ma tushirish mumkin?

38. 
    Nuqtadan to’g’ri chiziqqacha bo’lgan masofa nima?
    
39. 
    Teskarisini faraz qilib isbotlash usuli qanday qoidaga asoslangan?
    
40. 
    Qo’shni burchaklar bissektrisalari orasidagi burchakni toping.
    

3.Yangi mavzu bayoni.
Yangi mavzuga o’tishdan oldin dars avvalida o’quvchilarga qo’shimcha ma’lumot sifatida tarqatma materiallar beraman, so’ng mavzuga qaytaman.
Proyektor orqali siniq chiziqlarning bir necha xil ko’rinishi va ko’pburchaklarning chizmalarini taqdimotda o’quvchilarga ko’rsatib o’taman.
Taqdimotda sodda ko’pburchaklar ko’rinishi, ularning ta’rifi va xossalarini keltiraman.
Elektron doskadan ko’pburchaklarning hayotda qayerlarda uchrashiga doir hayotiy misollar keltiraman. Ko’pyoqlarni ko’pburchaklardan tuzilganligini chizmada yoyib ko’rsataman, xuddi, asalari uyasi singari. 7-sinf o’quvchilari uchun bu qiyinchilik tug’dirmaydi. Negaki, 5-sinf matematika darsligida to’g’ri burchakli parallelepiped va kub shakli yoyib ko’rsatilgan. Kurs ishimning 19-sahifasida kubning yoyilgan ko’rinishini tasvirlaganman. Orada o’quvchilarda paydo bo’lgan qo’shimcha savollarga o’sha zahotiyoq elektron doskadan foydalangan holda tezlikda javob berib ketaman. Endi yangi mavzu bayoniga o’tamiz. Avval o’rganilmagan yangi tushunchalarni quyida qayd etib o’taman.
22-sahifada ta’kidlab o’tganim singari xuddi shu tahlitda yangi mavzuni tushuntiraman. U yerda yozilmagan yangi tushunchalarga quyida to’xtalamiz.
Boshlang’ich va oxirgi uchlari ustma-ust tushadigan siniq chiziq yopiq siniq chiziq deb ataladi. Tomonlarining soniga qarab, ko’pburchaklar uchburchak, to’rtburchak, beshburchak, oltiburchak, umumiy holda n ta uchli bo’lganda n-burchak deb nomlanadi. Har qanday ko’pburchak tekislikni ikki sohaga ajratadi. Ulardan biri chekli soha bo’lib, u ko’pburchakning ichki sohasi deyiladi, ko’pburchakning tashqarisida yotgan cheksiz soha esa ko’pburchakning tashqi sohasi
deyiladi. Yuqoridagi rasmda ABCDEF oltiburchakning ichki va tashqi sohalari bo’yab ko’rsatilgan.
4.Mustahkamlash.
Bu bandda nazariy ma’lumotlarni og’zaki savollar orqali mustahkamlaymiz. Darslikda ushbu mavzu yuzasidan berilgan savollarga o’quvchilar bilan birgalikda javob beramiz. Negaki, ushbu mavzuda bajariladigan misollar yo’q, barchasi fikrlashga undaydigan tipdagi savollar turkumidan iborat.
5.Baholash.
Dars davomida faol qatnashgan o’quvchilarni baholaymiz. Ushbu darsda barcha o’quvchilar ishtirok etadilar, bu esa o’quvchilarda darsga mehrini uyg’otadi, ishtiyoqining ortishiga sabab bo’ladi.
6.Uyga vazifa berish.
Har bir o’quvchiga alohida bir shaklni, ya’ni ko’pburchakni tanlab, ixtiyoriy tarzda o’quvchining ijodkorligidan kelib chiqqan holda ijodiy yondashib ko’rgazmali qurol tayyorlash vazifasini topshiraman. Xohlasa chizib, xohlasa yasab, xohlasa biror buyumda qaysidir ko’pburchakning aksini topgan bo’lsa, uni namoyish qilishlari mumkin. Bu orqali mavzuni chuqurroq o’zlashtirishlariga, tasavvur qilish qobiliyatlarini kengaytirishga erishamiz.