“Педагогика” фанини ўқитиш бўйича ўқув-услубий мажмуа

Лаборатория машғулотларининг технологик лойиҳалари...
344
1.	Ўрта махсус ва касб-ҳунар таълими мазмуни ..............................	-
2.	Таълимни ташкил этиш турлари ва шаклллари. Дарс-таълимни ташкил этишнинг асосий шакли сифатида ..................................	348
3.	Тарбиянинг умумий методлари .....................................................	353
4.	Ўзбекистон Республикаси таълим тизими (Таълим соҳасидаги давлат сиёсатининг асосий тамойиллари. Таълим муассасаси менежменти) ....................................................................................	358
IV.	Асосий педагогик тушунчалар луғати......................................	365

СЎЗБОШИ

Илм-фан, техника ишлаб чиқариш ҳамда технология соҳаларида эришилаётган ютуқлар узлуксиз таълим тизимининг барча босқичларида фаолият юритаётган таълим муассасалари учун янги авлод дарсликлари ва ўқув-услабий мажмуаларни яратишни тақозо этмоқда. Бу каби ўқув манбаларининг яратилишига қўйилаётган талаблардан энг муҳими – уларнинг мазмунида тегишли фан соҳасида тўпланган илмий билимлар, замонавий педагогик назариялар, шунингдек, мустақиллик йилларида Ўзбекистон Республикасида таълим соҳасида олиб борилаётган давлат сиёсатининг моҳияти ёритиш саналади.

Педагогика олий таълим муассасалари учун мўлжалланган ушбу ўқув-услубий мажмуа амалдаги “Педагогика назарияси” ўқув дастурида кўрсатилган талаблар инобатга олинган ҳолда яратилди. Ўқув-услубий мажмуанинг мақсади педагогика фанининг назарий-методологик асосларини очиб бериш, педагогик билимларни талабалар онгига сингдиришга қаратилган фаолият моҳиятини технологик жиҳатдан ёритиш, талабалар томонидан касбий билимларни пухта ўзлаштирилишига эришиш, уларда таълим-тарбия жараёнини самарали ташкил этиш кўникма ва малакаларини шакллантиришдир.
Ўқув-услубий мажмуа мундарижасидан маъруза, семинар ва лаборатория машғулотларининг технологик лойиҳалари ҳамда асосий педагогик тушунчалар луғати ўрин олган. Мажмуани яратишда проф. М.Х.Тохтаходжаеванинг умумий таҳрири остида муаллифлар жамоаси (С.Нишонова, Ж.Ю.Ҳасанбоев, М.Х.Усмонбоева, С.А.Мадьярова, А.С.Қолдыбекова, Н.У.Нишонова, Н.Сайдаҳмедов) томонидан яратилиб, 2007 йилда нашр этилган “Педагогика назарияси ва тарихи. 1-қисм. Педагогика назарияси” дарслиги асос қилиб олинди. Шу боис муаллиф ушбу манба муаллифларининг барчаси ўз миннатдорчилигини изҳор этади.
МАЪРУЗА МАШҒУЛОТЛАРИНИНГ ТЕХНОЛОГИК ЛОЙИҲАЛАРИ