“Педагогика” фанини ўқитиш бўйича ўқув-услубий мажмуа

3-босқич. Якуний қисм – фикрлаш босқичи (10 дақиқа)	1. Гуруҳлардан берилган топшириқларни бажаришларини сўрайди. 2. Гуруҳлар томонидан ишланган кластер мазмунини жамоа билан ҳамкорликда таҳлил қилади. 3. Берилган саволлар асосида мавзунинг яхши ўзлаштирилмаган қисмини қайта тушунтиради. 4. Талабаларга мустақил ишлаш учун топшириқ беради, топшириқни баҳолашга оид мезонлари билан уларни таништиради
1. Гуруҳ таркибида топшириқнинг ечимини излайдилар. 2. Гуруҳнинг топшириқ борасидаги фикри билан жамоани таништирадилар. 3. Бошқа гуруҳларнинг ечимлари билан танишадилар, уларга ўз фикрларини билдирадилар. 4. Ўзлаштирган билимларини мустаҳкамлайдилар. 5. Ўқитувчи томонидан берилган топшириқни ёзиб оладилар

Машғулотда қўлланиладиган интерфаол метод
ва технологиялар моҳияти

“ФСМУ” технологияси талабаларда ўрганилаётган мавзу юзасидан фикрларни мустақил баён этиш, шахсий мулоҳазаларни далиллаш (мисоллар билан асослаш), баҳслашиш қобилиятини шакллантиришга хизмат қилади. Машғулотларда ушбу методни қўллаш қуйидаги тартибда амалга оширилади: 1) ўқитувчи технологиянинг моҳиятини ёритади ва талабаларни технологиядан фойдаланиш шартлари билан таништиради; 2) ҳар бир талабага “ФСМУ” технологиясининг схемаси туширилган қоғозларни тақдим этади; 3) ўқитувчи талабаларга ушбу схема асосида мавзу моҳиятини ёритишга оид топшириқни беради; 4) талабалар кичик гуруҳларда топшириқни бажарадилар; 5) гуруҳлар ўз ечимларини жамоага маълум қилади; 6) жамоа гуруҳларнинг ечимларини муҳокама қилади; 7) ўқитувчи талабаларнинг машғулот самарадорлиги борасидаги фикрларини тинглайди ва машғулотга якун ясайди.

Талабалар қуйидаги схема билан ишлаш тавсия этилади:

№	Тушунчалар	(Ф)	(С)	(М)	(У)
1.	Таълим методлари
2.	Таълим воситалари
3.	Таълимни ташхис қилиш
Изоҳ: шартли белгилар қуйидаги мазмунни англатади: (Ф) – фикрингизни баён этинг; (С) – фикрингизни асословчи бирон сабаб кўрсатинг; (М) – кўрсатилган сабабнинг асосли эканлигини исботловчи мисол келтиринг; (У) – фикрингизни умумлаштиринг