“Педагогика” фанини ўқитиш бўйича ўқув-услубий мажмуа

II. Талабалар учун топшириқ.
Ижтимоий тарбия турларини кўрсатинг ва уларнинг моҳиятини очиб беринг.
Бу ўринда талабалар санаб жуфтлик асосида “Нилуфар гули” технологиясига мувофиқ чуйидаги топшириқларни бажарадилар:
1. Ижтимоий тарбия турларини кўрсатиш.
2. Ижтимоий тарбиянинг ҳар бир турига хос асосий хусусиятлар белгилаш.
3. Ижтимоий тарбиянинг ҳар бир турини самарали шаклларини кўрсатиш.
4. Ижтимоий тарбиянинг ҳар бир турини самарали ташкил этишда қўлланиладиган методларни белгилаш.
5. Ижтимоий тарбиянинг ҳар бир турини самарали ташкил этишга хизмат қилувчи воситаларни аниқлаш.


III. Талабалар учун топшириқ.
Тарбия жараёнининг қонуниятлари, устувор тамойиллари ва ўзига хос хусусиятларини ёритинг.
Бунда талабалар кичик гуруҳларга бириккан ҳолда “Схема” технологиясини қўллаш орқали қуйидаги топшириқларни бажарадидар:
1. Тарбия жараёнининг қонуниятларини ёритувчи схемани яратиш.
2. Тарбия жараёнининг устувор тамойилларини ёритувчи схемани яратиш.
3. Тарбия жараёнининг ўзига хос хусусиятларини ёритувчи схемани яратиш.


IV. Талабалар учун топшириқ.
“Тарбия жараёнини самарали ташкил этиш йўллари” номли кичик эссени яратинг.
Бу ўринда талабаларнинг тарбия жараёнини самарали ташкил этиш йўллари борасида мустақил фикрлай олиш, педагогик фаолиятни ташкил этишга ижодий ёндашиш кўникмаларига эгаликлари ўрганилади ва баҳоланади.


V. Талабалар учун топшириқ.
Мавзуга оид қуйидаги тест саволларига жавоб қайтаринг:
1. Ахлоқий тарбиянинг мақсади нимадан иборат?
A) ўқувчилар онгига ахлоқий меъёрларни сингдириш;
B) ахлоқий онг, ахлоқий ҳис-туйғу, ахлоқий хулқ-атвор кўникмалари ва ахлоқий эътиқодга эга шахсни тарбиялаш;
C) ўқувчиларда ахлоқий хулқ-атвор кўникмаларини шакллантириш;
D) тўғри жавоб йўқ.

2. Атрофдагиларга ҳурмат, муҳаббат, улар тўғрисида ғамхўрлик, шахснинг эркинлик, фаровонлик, тинчлик ва ҳар томонлама камол топишга интилиши қандай тамойил мазмунида акс этади?

A) инсонпарварлик тамойили;
B) ўзаро ижтимоий тенглик тамойили;
C) ижтимоий адолат тамойили;
D) барча жавоблар тўғри.