Pedagogika fanidan izohli lug’at. A avtomonitoring

Tarbiya jarayoni-tarbiya jarayonining mohiyati va jamiyat taraqqiyotidagiroli nihoyatda beqiyosdir. Insonni tarbiyalash, uni bilim olishga, mehnat qilishga undash va bu xatti – harakatini asta – sekin ko’nikmaga aylantirib borish lozim.
Tarbiya metodlari-metod lotincha metodoc so’zidan olingan. Metod tadqiqot yo’li, nazariya, ta’limot deb tarjima qilinadi. Ilmiy tushuncha sifatida “ metod “ so’zi keng ma’noda muayan maqsadga erishish yo’li tushuniladi.
Tafakkur-falsafiy tafakkur rivoji insoniyat taraqqiyoti bilan uzviy bog’liq jarayonidir. Ma’lumki, hayotdagi voqea – xodisalarning barchasi ijtimoiy ongda aks etadi.
Ta’lim-bu ta’lim oluvchiga maxsus tayorlangan mutaxassislar yordamida bilim berish va ulardagi ko’nikma hamda malakalarni shakllantirish jarayoni bo’lib u kishining shaxs sifatida hayotga va mehnatga ongli ravishda tayorlash vositasi.
Ta’lim mazmuni-inson o’qitish jarayonida egallashi lozim bo’lgan bilim, ko’nikma va malakalar hajmi va xarakteri.
Ta’lim metodlari-metod yunoncha so’z bo’lib, aynan nimagadir yo’l, usul orqali maqsadga erishish yo’lini bildiradi, u 4 guruhga bo’linadi: 1) so’z orqali ifodalash; 2) ko’rgazmalilik usullari; 3) amaliy namuna usuli; 4) rag’batlantirish va jazo usuli.
Ta’lim standarti-standart tekshirish usullariga muvofiq keladigan va o’qitish sifatining standart ko’rsatkichlari bilan ifodalangan mazkur ta’lim turida o’quvchini o’qitish va tarbiyalashda qo’yiladigan talab ko’rsatkichlarning mazmuni.
Ta’lim texnologiyasi-tizimiy tamoyil bo’lib, o’quv jarayonini ifodalovchi va tashkillashtiruvchi hamda ta’limda qo’yilgan maqsadga yetish uchun ko’rsatmadir. Dars mashg’ulotlari davrida o’qituvchining mahoratini tashkillashtirishni ham ta’lim texnologiyasi o’z ichiga oladi.
Ta’lim turlari-O’zbekiston Respublikasida ta’lim quyidagi turlarda amalga oshiriladi: maktabgacha ta’lim, umumo’rta ta’lim, o’rta maxsus, kasb – xunar ta’limi, kadrlar malakasini oshirish va ularni qayta tayorlash, maktabdan tashqari ta’lim.
Tahlil metodi-bunga quyidagi komponentlar kiradi:
malumotlarni axborot ko’rinishiga keltira bilish;
axborotlarni anglab idrok etish;
ma’lum va nomalumlarning muhim belgi va munosabatlarini ajrata bilish;
elementlarga ajratish va boshlang’ich strukturali birlikni toppish;
aloqalarni anglash va tushuntirish hamda sintez qila bilish.