Pedagogika fanidan izohli lug’at. A avtomonitoring

Oraliq nazorat (ON) –bunda dasturning muayyan qismini o’rganishni nazorat qilish va baholashni o’ziga maqsad qilib qo’yadi. Shuning bilan birga dasturning muayyan qismini bosqichma-bosqich nazorat qilishni amalga oshiradi.
Oriyat – bu or-nomusdan tashqari izzat-nafs, qadr tuyg’usidir. Odatda oriyatli odamlar o’zlari va oilalarining izzat-nafslarini, qadrlarini yuksak tutadilar, shuningdek o’zgalarni ham qadrlay biladilar.
P
Paradigma –(yunon. Paradigm- na’muna, o’rnak)- ilmiy muammolarni hal etish namunasi sifatida qabul qilingan nazariya. Paradigma antic va o’rta asr falsafasiga oid tushuncha bo’lib, abadiy g’oyalar doirasida namuna sifatida tavsiflangan va ayni shu namuna asosida borliq Tangri tomonidan yaratilgan degan fikrga tayanadi.
Passivlik – bilish va tadqiq qilishni xohlamaslik.
Pedagogika –(yunoncha pais-bola, agagos-rahbar)- tarbiya haqidagi ta’limot, tarbiyalash san’ati, tarbiya haqidagi fan.
Pedagogik jarayon – ta’lim masalalari, uning taraqqiyotini kashf qilishga qaratilgan, maxsus tashkil etilgan pedagog va tarbiyalanuvchilarning o’zaro munosabati.
Pedagogik kvalimetriya – pedagogik jarayon sifat darajasining o’lchovi.
Pedagogik mahorat – yuksak darajadagi pedagogic faoliyatning taraqqiy etishi, pedagogik texnikani mukammal egallash, shuningdek pedagog shaxsi, uning tajribasi va kasbiy faoliyatdagi individuallikning yorqin ko’rinishi.
Pedagogik texnologiya – ta’lim oluvchining ichki imkoniyatlari va o’qituvchining innovatsion tayyorgarligiga tayangan holda ishlab chiqilgan va ta’limiy maqsadga erishishni kafolatlovchi o’quv-tarbiya jarayoninig loyihasi.
Professiogramma – ma’lum tizimga keltirilgan mehnatni psixologik tomondan o’rganishga va undan kelgusi amaliy faoliyatda foydalanishga qaratilgan qisqa va har tomonlama batafsil ko’rsatib berilgan hujjatdir.
Professor –(lotincha professor-muallim, o’qituvchi) oily o’quv yurti o’qituvchisi yoki ilmiy muassasa xodimining ilmiy unvoni, lavozimi.