Педагогика 5111800 Мактабгача таълим

Мавзу: Кадрлар тайёрлаш миллий модели.
Режа
1.Ўзбекистон Республикасининг Таълим тўғрисидаги Қонун
2.Кадрлар тайёрлаш миллий дастурининг мақсади ва вазифалари.
3. Мактабгача таълим – узлуксиз таълимнинг алоҳида тури сифатида.
Ўқув машғулотининг мақсади: Ўзбекистон Республикасининг Таълим тўғрисидаги Қонун
ва кадрлар тайёрлаш миллий дастурининг мақсади ва вазифалари тўғрисидаги билимларни шакллантириш.
Ўқув фаолиятининг натижаси: Талабаларга Ўзбекистон Республикасининг Кадрлар тайёрлаш миллий модели ва унинг моҳияти, кадрлар тайёрлаш миллий моделининг асосий, таркибий қисмлари ҳамда педагоглик касби, унинг пайдо бўлиши ва равнақ топишини изоҳлаб берилди


2-илова
Баҳолаш мезони ва кўрсаткичлари

Гуруҳлар	Саволнинг тўлиқ ва аниқ ёритилиши 0-5 балл	Мисоллар билан муаммога ечим топиши 0-5 балл	Гуруҳ аъзоларининг фаоллиги 0-5 балл	Жами балл

15 – 13 балл – «аъло».
12 – 10 балл – «яхши».
9 – 6 балл – «қониқарли».
3-илова
1.Ўзбекистон Республикасининг Таълим тўғрисидаги Қонун

1992 йил июл ойида мустақил Ўзбекистоннинг илк «Таълим тўғрисида»ги Қонуни қабул қилинди. Мазкур Қонун мазмунида Республика таълими тизими, унинг асосий йўналишлари, мақсад, вазифалари, таълим босқичлари ва уларнинг моҳияти каби масалалар ўз ифодасини топди. Бироқ, 1997 йилга келиб, Ўзбекистон Республикасининг «Таълим тўғрисида»ги Қонуни ва унинг мазмунида илгари сурилган ғояларнинг амалиётга тадбиқи таҳлил этилганда, бу борада муайян камчиликларга йўл қўйилганлиги аниқланди. Ўтказилган таҳлил натижаларига кўра, таълим тизимида олиб борилаётган ислоҳот аксарият ўринларда чуқур илмий асосларга эга бўлмаганлиги маълум бўлди ҳамда кадрлар тайёрлаш тизимини ислоҳ қилиш зарурлиги белгиланди. Шу боис Ўзбекистон Республикаси Олий Мажлисининг IX сессиясида янги таҳрирдаги Ўзбекистон Республикасининг «Таълим тўғрисида»ги Қонуни ва «Кадрлар тайёрлаш миллий дастури» қабул қилинди. «Кадрлар тайёрлаш миллий дастури»нинг мақсади – таълим соҳасини тубдан ислоҳ қилиш, уни ўтмишдан қолган мафкуравий қараш ва сарқитлардан тўла халос этиш, ривожланган демократик давлатлар даражасида, юксак маънавий ва ахлоқий талабларга жавоб берувчи юқори малакали кадрлар тайёрлаш Миллий тизимини яратишдан иборатдир².