Pedagogika 016, 1-son Bosh muharrir

PEDAGOGIKA
2016, 1-son
 
 
117 
OTMlar о‘rtasidagi nufuzining oshishiga olib keladi. OTMlardagi tasviriy san’at 
о‘qituvchilarini tayyorlash usullaridan biri bо‘lgan tanlovlar, ijodiy kо‘rgazmalar 
tashkillashtirilishi natijasida о‘quv jarayoni faollashib, talabalardagi о‘z ustida 
ishlash kо‘nikmalarining rivojlanishi ta’minlanadi. Bunday usullar, ayniqsa, 
tо‘garaklardagi faoliyat natijasida yanada natijaliroq bо‘ladi. Bu orqali talabalar 
universitet ostonasidan nafaqat dasturdagi bilimlar, balki mustaqil ijodiy faoliyat 
tajribasi, ijtimoiy-madaniy muloqotga tayyorlik va olingan tajribalarni maqsadga 
muvofiq amalda qо‘llay olish malakalariga ham ega bо‘lishadi.
Talabalarning tо‘garakda olgan bilimlarini bevosita о‘quv jarayonida 
qо‘llash darajasini aniqlash maqsadida tajriba-sinov ishlari olib borildi. 2014-2015 
va 2015-2016-о‘quv yili semestr oxirida bо‘ladigan yakuniy kо‘rikda TS-203, 301 
va 303-guruh talabalari ichidan tо‘garak a’zolari (sinov guruhi) va tо‘garakka a’zo 
bо‘lmaganlar (tajriba guruhi) ishlari solishtirib baholandi. Baholash natijasi sinov 
guruhining о‘zlashtirishlari tajriba guruhiga nisbatan 30%ga yuqori ekanligini 
kо‘rsatdi. Guruh talabalariga tasviriy san’atda portret janri, rang tasvirda portret 
ishlash qonun-qoidalari, kompozitsiya tushunchasi, portret kompozitsiyasini 
yaratish orqali yosh avlodga psixologik jihatidan qanday tarbiyaviy ahamiyatga 
ega ekanligi tо‘g‘risida savol-javob va suhbat о‘tkazildi, test varaqalari tarqatildi.
Nazorat guruhidagi talabalarga test savollari tarqatilganda 52%iga tо‘g‘ri 
javob berishdi. Tajriba guruhi esa test savollarining 86%iga tо‘g‘ri javob berganligi 
ma’lum bо‘ldi. Bu natijalardan kо‘rinib turibdiki, tajriba guruhining nazariy hamda 
amaliy jihatdan о‘zlashtirgan bilim darajalari nazorat guruhinikiga qaraganda 
ancha yuqori.
Demak, talabalarning ijodiy ishlaridan kо‘rgazmalar uyushtirish, ijodiy 
tanlovlardagi ishtirokini ta’minlash ularning kelgusi faoliyatlari uchun kasbiy va 
ruhiy tayyorgarliklari oshishida metodik jihatdan katta ahamiyatga ega. 
Tо‘garaklardagi mustaqil tarzda qо‘shimcha vazifalar bajarishga intilish, ijodiy 
izlanish, kompozitsiyalar uchun materiallar tо‘plashga doir kasbiy faollashish 
kо‘rgazma va tanlovlarning talabalarning malakaviy shakllanishdagi imkoniyati 
beqiyos ekanligi haqida xulosa chiqarishga imkon beradi.