Pedagogika 016, 1-son Bosh muharrir

PEDAGOGIKA
2016, 1-son
 
 
125 
NIZOMIY NOMIDAGI TOSHKENT DAVLAT PEDAGOGIKA UNIVERSITETI NASHRI 
– “PEDAGOGIKA” JURNALIDA CHOP ETILADIGAN MAQOLALARGA 
QO‘YILADIGAN TALABLAR 
 
I. Umumiy qoidalar 
1.1. Ushbu davriy nashr ilmiy-nazariy va metodik jurnal bo‘lib, unda 
pedagogika va psixologiya, ta’lim va tarbiya mazmuni, metodlari, metodikalari va 
texnologiyalariga oid ilmiy-nazariy, ilmiy-metodik maqolalar chop qilinadi. 
1.2. Jurnal oliy ta’lim muassasalari professor-o‘qituvchilari, ilmiy xodimlar, 
tadqiqotchilar, o‘rta maxsus, kasb-hunar ta’limi, umumiy o‘rta ta’lim 
muassasalari o‘qituvchilari, magistratura va bakalavriat talabalari, malaka 
oshirish va qayta tayyorlash tizimi tinglovchilari uchun mo‘ljallangan. 
1.3. Jurnal har ikki oyda bir marta nashr qilinadi. 
1.4. Jurnalga davriy nashrlarning Xalqaro standartlar (ISSN) 2010-5320 
raqami berilgan bo‘lib, O‘zbekiston Respublikasi fuqarolari bilan birga, xorijiy 
mamlakatlar fuqarolarining ham maqolalari qabul qilinadi.
1.5. Jurnalga Toshkent shahar Matbuot va axborot boshqarmasining 2014-
yil 26-maydagi 02-004-sonli “Ommaviy axborot vositasi Davlat ro‘yxatidan 
o‘tkazilganligi to‘g‘risida guvohnoma”si olingan. 
1.6. Jurnal O‘zbekiston Respublikasi Oliy Attestatsiya komissiyasi 
rayosatining 2013-yil 30-dekabrdagi 201/3-sonli qarori bilan pedagogika va 
psixologiya, o‘qitish metodikasi fanlari bo‘yicha doktorlik dissertatsiyalari 
himoyasi uchun ilmiy maqolalar e’lon qilinishi mumkin bo‘lgan jurnal sifatida 
ro‘yxatga olingan. 
1.7. Universitetning www.tdpu.uz saytida jurnal sahifasi ochilgan va 
jurnalning har bir sonidagi nashr etilgan maqolalar to‘g‘risida axborot muntazam 
berib boriladi.
II. Maqolalarning mazmuniga qo‘yiladigan talablar 
2.1. Maqola ilmiy-tadqiqot ishining tarkibiy qismi bo‘lishi yoki mustaqil 
ilmiy-nazariy va ilmiy-metodik masalaga qaratilishi hamda u milliy g‘oya va 
ma’naviyatimiz ruhida yozilishi lozim. 
2.2. Maqolada kichik bir ilmiy, ilmiy-metodik muammo ko‘tariladi va hal 
qilinadi. U ilmiy uslubda yoziladi. 
2.3. Maqola quyidagi tuzilma(struktura)ga rioya qilingan holda yozilishi 
tavsiya qilinadi: