Pedagogika 016, 1-son Bosh muharrir

Oynisa Musurmonova (TDPU) 
 
 
 
 
 
 
 
 

---

PEDAGOGIKA
2016, 1-son
 
 
122 
KOMPYUTER GRAFIKASI USTASI 
Chizma geometriya, chizmachilik va kompyuter 
grafikasi 
fanlarining 
respublikamizda 
o‘qitilishini 
takomillashtirishda o‘z o‘rniga ega bo‘lgan olimlardan biri 
texnika fanlari nomzodi, dotsent Temir Rixsiboyevdir. 
T. Rixsiboyev 1941-yil 2-fevralda Toshkent viloyati-
ning Ko‘ksaroy qishlog‘ida dehqon oilasida tavallud topgan. 
1948-1958-yillarda 2-o‘rta maktabda o‘qigan, metematika, 
fizika, kimyo va chizmachilik fanlariga qiziqqan.
T. Rixsiboyev 1959-yilda Toshkent to‘qimachilik va 
yengil sanoat instituti “Mexanika” fakultetining kunduzgi bo‘limi “Paxtani 
dastlabki ishlash” yo‘nalishiga o‘qishga kirib, uni 1965-yili tamomladi. 
T. Rixsiboyevning umumiy ish staji 56 yil bo‘lib, uning 48 yilini ilmiy-
pedagogik faoliyat tashkil qiladi va salkam 50 yildan buyon yosh avlodga ta’lim va 
tarbiya berib kelmoqda. 
T. Rixsiboyev 1967-1971-yillarda TTESIning “Chizma geometriya va 
muhandislik grafikasi” kafedrasi assistenti lavozimida faoliyat yuritdi, 1971-1973-
yillarda TTESIning aspiranturasida o‘qidi. 1974-yil professor S. 
D. Boltaboyevning ilmiy rahbarligida “Tolalarni dastlabki ishlash” (05-19-02) 
yo‘nalishi bo‘yicha texnika fanlari nomzodi ilmiy darajasini olish uchun 
dissertatsiya yoqladi.
1973-1978-yillardan boshlab yana TTESIning “Chizma geometriya va 
muhandislik grafikasi” kafedrasi assistenti, 1978-1980-yillarda katta o‘qituvchi, 
1980-2006-yillarda kafedra dotsenti lavozimlarida ishladi. 
“Kadrlar tayyorlash milliy dasturi”ni amalga oshirish maqsadida qabul 
qilingan ta’lim standartlari va o‘quv rejalarining mazmunidan o‘rin olgan ayrim 
mutaxassislik fanlarining kiritilishi tufayli, bunday mutaxassislarga ehtiyoj tug‘ildi. 
2002-yili Nizomiy nomidagi TDPUning “Chizma geometriya, chizmachilik va uni 
o‘qitish metodikasi” kafedrasi taklifiga ko‘ra T. Rixsiboyev o‘rindoshlik asosida 
kafedraga ishga qabul qilindi. Shu davrda “Kompyuter grafikasi” fanini 
o‘qitadigan mutaxassis kadrlar kafedrada yo‘q edi. Endigina yo‘lga qo‘yilayotgan 
bu fan bo‘yicha bo‘lajak o‘qituvchi kadrlarni tayyorlash vazifasi ham aynan ustoz 
zimmasiga tushdi. Ustoz T. Rixsiboyev qisqa vaqt ichida mana shunday 
mas’uliyatli vazifani bajarishning uddasidan chiqdi ham. Kafedrada mazkur fan 
bo‘yicha darsliklar, o‘quv qo‘llanmalar hamda tegishli uslubiy ko‘rsatmalar 
tayyorlandi va nashr qilindi. Endilikda bundan nafaqat universitetimiz talabalari, 
balki Respublikamizning ko‘plab oliy ta’lim muassasalari asosiy adabiyot sifatida 
foydalanmoqda.