Pedagogika 016, 1-son Bosh muharrir

PEDAGOGIKA
2016, 1-son
 
 
115 
Tadqiqot esa talabalar tomonidan muammoni tushunish va yechish, 
mustaqil bilim olishni kuchaytiradigan va shunga undaydigan usullar yig‘indisidan 
iborat
1
. Undan tashqari yaratgan ijodiy ishning о‘zi hurmat qilgan, ideal deb 
bilgan ustoz pedagoglar va tengdoshlari tomonidan baholanishi ularga jiddiy 
ta’sir kо‘rsatadi. Kо‘rgazmalarning tez-tez о‘tkazib turilishi esa talabalarni 
kо‘rgazmaga tayyor turishga undaydi, bu tasviriy san’at о‘qituvchilarining kasbiy 
tayyorgarligidagi eng muhim jihatlardan biri hisoblanib, ulardagi yangidan yangi 
kompozitsiyalar yaratish ishtiyoqini oshiradi.
Bunga tasviriy san’at va uni о‘qitish metodikasi kafedrasi qoshidagi “Yosh 
musavvir” tо‘garagi a’zolari tomonidan kо‘plab ijodiy kо‘rgazmalar uyushtirilishi 
misolida ham guvoh bо‘lishimiz mumkin. Bu tо‘garakda nafaqat kafedra 
talabalari, balki boshqa fakultet, oliy ta’lim muassasasi talabalari (bakalavr, 
magistrlar), kollej o‘quvchilari ham ijodiy asarlar yaratish bilan shug‘ullanishadi. 
Ular tomonidan bajarilgan ishlarning kо‘rgazmalarini uyushtirish jarayoni shuni 
kо‘rsatadiki, о‘z ijodiy ishlari sifati va mazmunining tomoshabinlar tomonidan 
boshqa mualliflar ishlari qatorida e’tirof etilishi talabalarda о‘ziga ishonch 
uyg‘otadi. Tadbirni uyushtirish jarayonida ularning ijodiy jamoa sifatida 
hamjihatlikda harakat qilish kо‘nikmalari shakllanadi. Ijodiy hamkorlikdagi 
kо‘rgazmalar uyushtirilishi talabalar uchun о‘zlarini haqiqiy ijodkor sifatida his 
qilish va bundan faxrlanish tuyg‘usini uyg‘otadi. Ijodiy ishlarini kо‘rgazmalarga 
tayyorlash, san’at asarlariga nisbatan hurmat-e’tibor bilan qarash, ularni asrab-
avaylash kо‘nikmalarini rivojlantirish orqali talabalarga tо‘g‘ri ta’lim berish bilan 
birga ularni kelajakdagi pedagogik faoliyatga ham tayyorlash amalga oshiriladi. 
Talabalarning har qanday ishiga, ularning xato-kamchiliklari, yutuqlariga e’tiborli 
bо‘lish pedagog uchun juda muhim. Binoni kо‘rgazma о‘tkazish uchun tayyorlash, 
jihozlash, kо‘rgazma ish rejasi va mezonlarini aniqlash, ekspozitsiya, katalog, 
etiketkalarni tayyorlash, bayramona ruhda ochilish marosimi, tomashabinlar 
bilan ishlash, kо‘rgazmalar tashkillashtirish kabi jarayonlar talabalar kasbiy 
tayyorgarligining asosiy faktorlaridan hisoblanadi va ulardagi tashkilotchilik 
tajribalarini oshiradi. Bu orqali talabalar tashkilotchilikdagi maxsus harakatlar, 
uskunalar bilan ishlash va texnologiyalarni о‘zlashtirish kо‘nikmalariga ega 
bо‘ladilar. Shuning uchun talabalar kelgusida kasbiy faoliyatlaridagi о‘quvchi 
hamda о‘zlarining shaxsiy kо‘rgazmalarini tashkillashtirish uchun amaliy 
tajribalarini oshirib borishlari juda muhim. Kо‘rgazmalar asosan odamlar gavjum 
joylarda uyushtiriladi, u yerdagi madaniy va tarbiyaviy muhit kо‘rgazma 
qatnashchilari hamda tomoshabinlarning о‘zini tutish madaniyatini rivojlantiradi. 
1
Голиш Л. В. Замонавий таълим технологиялари: мазмун, лойиҳалаштириш ва амалга 
ошириш. – Тошкент: Тасис, 2001. – Б. 59. 

---