Pedagogika 016, 1-son Bosh muharrir

PEDAGOGIKA
2016, 1-son
 
 
116 
Tasviriy san’at haqidagi bilimlarini oshiradi, ma’naviy dunyoqarashlarini 
kengaytiradi.
Bunday kо‘rgazmalar talabalar uchun ruhiy ozuqa hamdir. Ularda о‘z 
ishlariga nisbatan mas’uliyat paydo bо‘ladi. Ishlari haqida о‘zgalar muhokamasini 
chidam va bosiqlik bilan tinglash, mulohaza qilish tajribalari oshib, xarakterlari 
ruhiy jihatdan shakllanib boradi. Kо‘rgazmadagi asarlar tо‘g‘risidagi shaxsiy fikrini 
boshqalar fikri bilan solishtirish, hamkasblari bilan ma’lum asarlar mazmun-
mohiyati, axloqiy ahamiyati, ijodkorlikdagi mahorat va zamonaviy san’at haqidagi 
har xil muloqotlar va taassurotlar xotirada bir umrga muhrlanib qoladi. 
Kо‘rgazmani og‘zaki muhokama qilish orqali san’at asarlariga badiiy baho berish 
kо‘nikmasi va ma’lum bir eksponatlarni yoki umumiy kо‘rgazmani tahlil qilish 
tajribalari oshadi, ijodkorlikning natijalarini tushunib yetishiga, tasviriy san’at 
qonun-qoidalari, “kompozitsiyadagi yaxlitlik, g‘oyalar mohiyatini anglab yetish, 
yangi g‘oyalar izlab topishga olib keladi”
1
.
Kо‘rgazmalardagi shunday ijodiy muloqotlar talabalardagi kommunikativ 
kompetensiya darajasini oshiradi. Kо‘rgazmalar haqidagi maqolalar yozish bu 
kasbiy kо‘nikmalar, nazariy tadqiqotlar olib borish malakalarini egallashlariga 
sabab bо‘ladi. Tanlovlar talabalarni attestatsiya qilishning boshqacha shakli 
bо‘lib, unda talabalarning ishlari boshqa qatnashchilarning ishlari bilan solishtirib 
kо‘rilib, xolis hay’at a’zolari tomonidan yashirin yoki oshkora baholab chiqiladi. 
Tanlovlar kasbiy kompetensiya (chuqur bilimga asoslanganlik)ga tegishli bо‘lib, 
kasbiy mahoratlarini oshiradi. Bu talabalarning kasbiy faoliyatga tayyorgarlik 
darajasini aniqlash mezoni hisoblanadi. Kо‘rgazma va tanlovlar talabalardagi 
yutuq va omadsizliklarni tо‘g‘ri qabul qilib, tо‘g‘ri xulosa chiqarish kо‘nikmalarini 
rivojlantiradi. Bu talabani haqiqatga tik boqish, ijodkor sifatida olqishlar olish yoki 
tan olinmaslikni о‘zida sinab kо‘rishga majbur qiladi. Bu ham kelajakdagi ijodiy va 
pedagogik faoliyati uchun ruhiy tayyorgarlik jarayoni hisoblanadi. “Yosh 
musavvir” tо‘garagi a’zolari uchun eng mas’uliyatli va qiziqarli tanlovlardan biri 
bu an’anaviy “San’at festivali” hamda kafedrada о‘tkaziladigan “Eng yaxshi 
musavvir” tanlovi hisoblanadi. Festivalda talabalarga shaxsiy ijodiy darajalarini 
boshqa OTM talabalari darajasi bilan solishtirib kо‘rish imkoni yaratilsa, tanlovda 
boshqa guruh talabalari bilan ijodiy bellashadilar. Tanlovlarga tayyorgarlik davri, 
tanlov jarayonida olingan fotolar, ijod jarayoni, tanlov afishasi va ijodiy ishlarini 
saralab kо‘rgazmadan sо‘ng о‘zlarining portfoliosini tayyorlashlari mumkin. 
Bunday ijobiy tajribalar mashg‘ulotlarga qiziqishning oshishiga sabab bо‘ladi. 
Talabalar kо‘rgazmalari va tanlovlar universitet ta’lim tizimining boshqa turdosh 
1
Гринько С. Д. Повыщение качества профессиональной подготовки будущий учителей при 
взаимодействии вуза и музея // Актуальные вопросы современного университетского 
образования. – Санкт-Петербург: РГПУ им. А. И. Герцена, 2007. – С. 133. 

---