Pedagogika 016, 1-son Bosh muharrir

PEDAGOGIKA
2016, 1-son
 
 
114 
о‘zligi va xarakterini kо‘rish mumkin. Shuning uchun kо‘pincha naturadan 
ishlangan oddiy qoralama va qisqa muddatli ranglavhalar asosiy ishlarga 
qaraganda jonliroq va jozibaliroq chiqadi. Ijodiy izlanishga oid vazifalar bajarish, 
eskizlar qilish bosqichi va kompozitsion izlanishlarda talabalarning hissiy va aqliy 
tafakkurlari faollashadi. Hattoki, talabalarning mustaqil ravishda о‘ziga xos 
kompozitsiyalar yaratish jarayonida ham kо‘plab ijodiy g‘oyalar paydo bо‘lishini 
kuzatish mumkin. Talabaning kelgusidagi tasviriy san’atni о‘qitish, kо‘rgazmalar 
tashkillashtirish, о‘quvchilari ishlarini tо‘g‘ri baholash kabi kasbiy faoliyatga 
tayyor bо‘lishi uchun ularni ijodiy ishlar bajarish va uni targ‘ib qilishga о‘rgatish 
zarur. Ijodiy kо‘rgazmalarda о‘zlari yaratgan turli mavzudagi ijodiy ishlari bilan 
muntazam ishtirok etishlari ularning yuqori malakaga ega bo‘lishiga 
ko‘maklashadi. Turli kо‘rgazma va tanlovlarda qatnashishlari kelajakda ta’lim 
beradigan о‘quvchilariga shaxsiy namuna bo‘lishida yordam beradi va 
o‘quvchilarning shu soha bо‘yicha respublikamizdagi kasb-hunar kollejlaridan 
biriga kirib о‘qishni davom ettirishga qiziqishlarini orttiradi. 
О‘quvchilarning kasb-hunarga moyilligini, layoqatlarini, bilim va 
kо‘nikmalarini chuqur rivojlantirish ularning tanlagan yо‘nalishlari bо‘yicha bir 
yoki bir necha zamonaviy kasbni egallashda muhim о‘rin tutishi tajriba jarayonida 
sinab kо‘rilgan.
1
Ijodiy ishlashda tafakkur tezligi, fikr boyligi, yuqori badiiy 
jozibadorlikka erishishga intilish kabi xislatlari bilan talaba о‘zidagi ijodkorlikni 
namoyon etadi. Bu bilan о‘zi uchun hayotdagi yangi imkoniyatlar eshigini ochib 
boradi. Mashg‘ulotdagi standart talablardan tubdan farq qiladigan boshqa 
material yoki о‘lchamlarda о‘ziga xos ijodiy kompozitsiyalar yaratish о‘quv 
vazifasiga nisbatan ijodiy qiziqishning paydo bо‘lishiga turtki bо‘ladi. 
Talabalarning eng sara о‘quv ishlari hamda mustaqil ishlarining oliy ta’lim 
muassasasi miqyosidagi kо‘rgazmalarda namoyish qilinishi ularning ijodiy 
о‘sishlari uchun juda zarur. Kо‘rgazmaga qо‘yilgan о‘z ishlarini boshqalarning 
ishlari bilan solishtirib, tomashabin nigohini his qilib, ularning muhokamalarini 
eshitgandan keyingina ijodkor-talaba о‘z ijodiy ishiga obyektiv baho bera olishi 
mumkin.
Talabalarning mustaqil ijodiy asarlar yaratish ustidagi mehnati tasviriy 
san’at va dizayn yо‘nalishlaridagi о‘quv jarayonining ajralmas qismi, lekin 
talabalarning о‘qish jarayonida yaratgan asarlari kо‘rgazmasi metodik jihatdan 
juda zarur va mas’uliyatliroq hisoblanadi, chunki bu ijodkor talabalarni bilim 
olishga, о‘z ustida yanada kо‘proq ishlashga, ijodiy maqsadda yangi tadqiqotlar 
olib borishga undaydi.
1
Гулямов К. М. Касб-ҳунар коллежларида халқ амалий санъатини ўқитиш методикаси 
(наққошлик санъати мисолида). – Тошкент: ТДПУ, 2012. – Б. 61. 

---