Pedagogika 016, 1-son Bosh muharrir

FAN VA TA’LIM FIDOYILARI 

---

PEDAGOGIKA
2016, 1-son
 
 
123 
2006-yildan boshlab, kafedraga asosiy shtatda ishga qabul qilindi. T. 
Rixsiboyev 2008-yilgacha kafedra dotsenti, 2008-yildan “Muhandislik grafikasi va 
uni o‘qitish metodikasi” kafedrasining professori vazifasi bajaruvchisi lavozimida 
faoliyat yuritib kelmoqda.
T. Rixsiboyev ilmiy va pedagogik faoliyati davomida 150dan ortiq ilmiy 
ishlarini e’lon qilgan va ular chop etilgan. Shulardan 8tasi nomzodlik 
dissertatsiyasini himoya qilinguncha chop etilgan bo‘lsa, himoyadan so‘ng 
Respublikamizdagi ilmiy jurnallarda 50ta, xalqaro jurnalda bitta ilmiy maqolasi 
chop etildi. Xalqaro miqyosda o‘tkazilgan konferensiyalarda 5ta, Respublika 
miqyosidagi ilmiy va amaliy anjumanlarda 57ta tezis materiallari nashr etildi. 
Temur aka Rixsiboyev 6ta yakka mualliflikda, 27ta hammualliflikda o‘quv 
adabiyotlar yaratdi. Shulardan 1tasi monografiya, 8tasi o‘quv qo‘llanma, 4tasi 
elektron qo‘llanma, 20tasi metodik qo‘llanma hisoblanadi. 
T. Rixsiboyev o‘z ustozi Yusuf Qirg‘izboyev bilan hammualliflikda yozgan 
“Texnikaviy chizmachilik” (Toshkent, 1987) o‘quv qo‘llanmasi klassik 
adabiyotlardan biri hisoblanadi. 
Ustoz yoshi ulug‘ bo‘lishiga qaramay, zamon bilan hamnafas yuradi. 
Fandagi, texnikadagi, didaktikadagi yangiliklarni o‘zlashtirib, unga ilmiy jihatdan 
yondashadi. O‘tgan asrning so‘nggi yillarida kirib kelgan kompyuter 
imkoniyatlarini o‘qib-o‘rganib, uning chizma geometriya va chizmachilik fanlariga 
tatbiqini ishlab chiqishga harakat qildi. Zamonaviy fanlardan hisoblangan 
“Kompyuter grafikasi” fanini tezda o‘zlashtirib, Respublikamizdagi yetuk 
mutaxassislardan biriga aylandi. Kompyuter grafikasi fanidan o‘zbek tilida bir 
qator o‘quv qo‘llanma va elektron adabiyotlar yaratdi. 
Ustozning 
xarakterli 
jihatlaridan 
biri 
uning 
tinib-tinchimasligi, 
mehnatkashligi va, asosiysi, yoshlarga, shogirdlariga jonkuyarligidir. Shu ma’noda 
T. Rixsiboyev o‘z shogirdlari bilan hammualliflikda 30dan ortiq ilmiy ishlar nashr 
ettirdi. Ustoz shogirdlari bilan axborot hamda kompyuter texnologiyalarining 
ta’lim jarayoniga tatbig‘i yo‘nalishida ilmiy-tadqiqot va ilmiy-metodik ishlarini olib 
bormoqda. Jumladan, bu borada “Muhandislik grafikasi fanlarining ba’zi 
muammolari va ularning evristik yechimlari” (Toshkent, 2009) monografiyasi 
tayyorlandi va nashr qilindi. Shuningdek, chizmachilikni o‘qitishda o‘quvchi va 
talabalarning chizmachilikdan qiyin o‘zlashtiradigan mavzularini qulaylashtirishga 
qaratilgan “Texnik chizmachilik”, multimediali elektron o‘quv qo‘llanmasini 
(O‘zbekiston Respublikasi Patent idorasining guvohnomasi №DGU 02297. 27.08. 
2011-yil, 24 mb) tayyorlashda faol ishtirok etdi. 
Ustoz talabalarning fazoviy tasavvuri va tafakkurini rivojlantirishga 
qaratilgan ko‘plab ilmiy nazariy va ilmiy metodik maqolalar yozgan. Bundan 

---