Pedagogika 015, 2-son Muassis: Nizomiy

 

---

PEDAGOGIKA
2015, 2-son
 
 
45 
EKOLOGIK MADANIYATNI RIVOJLANTIRISHDA MATNLI 
MATEMATIK MASALALARDAN FOYDALANISH 
Eshpo‘latov N.O.,
Rahimov F.O. (TDPU)
Abstract 
This article provides some of the results of using the problems with 
environmental content in teaching mathematics at school. 
Резюме 
В статье приводятся некоторые результаты использования задач с 
экологическим содержанием при обучении математике в школе.
Tayanch tushunchalar: ekologik madaniyat, ekologik mazmunli 
matematik masala, ekologik mazmunli masalalarni yechish bosqichlari, ekologik 
mazmunli masalalarga qo‘yiladigan didaktik talablar.
Mamlakatimizda istiqlolning dastlabki yillaridan boshlab atrof-muhit 
muhofazasi, ekologik barqarorlikni ta’minlash, aholi o‘rtasida sog‘lom turmush 
tarzini qaror toptirishga ustuvor vazifa sifatida e’tibor qaratib kelinmoqda. 
Buning uchun zarur tashkiliy-huquqiy, institutsional asoslar yaratilib, ular zamon 
talablari asosida takomillashtirilib borilmoqda
1
. 
Matematika o‘qitishda ekologik madaniyatni shakillantirishning asosiy 
vositalaridan biri matematika o‘qitish jarayonida ekologik mazmunli 
masalalardan o‘rinli foydalanishdir. Odatda ekologik mazmunli masala 
deyilganda, sujeti ekologik holat bilan bog‘liq bo‘lgan masalalar tushuniladi. 
Ekologik mazmunli masalalarni yechish ma’lum ma’noda matematikani 
amaliyotda qo‘llash demakdir. O‘quvchilarda ekologik mazmunli masalalar 
yechish ko‘nikmasini hosil qilish maktabda matematika o‘qitishning eng dolzarb 
vazifalaridan hisoblanadi. 
Matematikani hayot bilan bog‘lab o‘qitishda ekologik mazmunli 
masalalardan foydalanish muammosi ma’lum darajada o‘qituvchilarimiz uchun 
yangilikdir, lekin ilmiy texnika inqilobining so‘nggi yutuqlarini va davrimizning 
ijtimoiy ishlab chiqarish xarakterini hisobga olib tuzilgan masalalar sistemasini 
yaratish va bunday masalalardan foydalanish bugungi kunning muhim 
muammolaridan biridir. Ayniqsa, o‘zbek tilida chop etilgan maqolalar va 
adabiyotlarda bir nechta takliflarni hisobga olmasak, bu sohada o‘qituvchilarimiz 
uchun zarur qo‘llanmalar, tavsiyalar hali yaratilmagan. 
1
Ekologik barqarorlikni ta’minlash – ustuvor vazifa // “Xalq so‘zi” gazetasi, 2014.23.01. – № 16. 

---