Педагогик атамалар луғати

«Устоз» республика жамғармаси – Кадрлар тайёрлаш миллий дастурига 
мувофиқ Ўзбекистон ижтимоий-иқтисодий ҳаётининг устивор йўналишлари 
бўйича таълим муассасалари, биринчи навбатда, олий таълим муассасалари
профессор-ўқитувчилари сафидан етук педагоглар тайёрлашга кўмаклашишга 
қаратилган жамғарма тури. 
Усуллар - ахборотнинг узатиш ва қабул қилишнинг сўз орқали ифодалаш, 
кўргазмали ва амалий турларини қамраб олган усуллар мажмуи.
Усули жадид мактаблари (янги усул мактаблари) – Туркистонда XIX 
асрнинг охири ва ХХ асрнинг бошларида болаларнинг саводини чиқариш, 
ахлоқий-маънавий тарбиялаш мақсадида ташкил этилган мактаблар.
Уятчанлик — одобсиз ҳаракатларни қилмай туриб, унинг оқибатларини 
тасаввур этиш натижасида пайдо бўладиган ҳиссиёт. 
Ф 
 
Факультатив курс – узлуксиз таълим жараёнида назарий билимларни 
кенгайтириш ҳамда чуқурлаштириш мақсадида ўтиладиган ихтиёрий ўқув курси. 

---

- 79 - 
79 
Факультет (лот. fakultas - имконият, қобилият) – олий ва ўрта махсус ўқув 
юртининг ўқув-илмий, маъмурий- ташкилий бўлинмаси. 
Фалсафий педагогик негиз – педагогика назарияси ва амалиётига оид 
масалаларни ҳал қилишда жаҳон ва миллий фалсафий фикрлар, тамойиллар ва 
категорияларга таяниш.
Фан ва маданият халқаро жамғармаси – Фан ва маданият соҳасида халқаро 
алоқаларни ривожлантириш, жаҳон халқлари фани ва маданияти тажрибаларидан 
фойдаланиш ва Ўзбекистон фани ва маданиятини намойиш қилувчи жамғарма 
тури.
Фаоллик –  ишчанлик. 
Фаолият –  муайян мақсадга йўналтирилган иш, ҳаракат, машғулот. 
Фаолият маҳсулини ўрганиш методи – педагогика ва психология тарихини 
ўрганиш, таълим менежменти асосларини ифодалаш ҳамда таълим-тарбия 
жараёнларини бошқаришда оптимал қарорлар қабул қилишда кенг 
фойдаланиладиган методлар.