Педагогик атамалар луғати

Тасодифий педагогик изланиш стратегияси – стратегияни ўзига хос 
услублар, масалан, кўргазмали воситалар, ўқитиш дастурининг муайян қисми, 
методик адабиётлар ёки бошқа ўқитувчилар тажрибасидан фойдаланиш истаги 
вужудга келганда татбиқ қилинадиган методика.
Татбиқий математика курси – математиканинг амалий жиҳатларини 
ўргатишга қаратилган таркибий қисми. 
Тафаккур – инсон ақлий фаолиятининг юксак шакли; объектив воқеликнинг 
онгда акс этиш жараёни. 
Ташкилот – шахс, ягона умумий мақсад асосида меҳнатнинг даражаланиши, 
тоифага ажратилиши, унвонга эгалик кабиларни ҳисобга олган ҳолда биргаликда 
фаолият юритиш шакли. 
Ташкилотчилик қобилияти – 1) таълим муассасаси жамоасини уюштира 
билиш, аҳиллик, бирдамлик ва ҳамкорликни вужудга келтириш, жамоа аъзоларини 
жипслаштира олиш қобилияти; 2) ўзининг шахсий фаолиятини тўғри 
ташкиллаштира олиш қобилиятидир. 
Ташхис – ўқув жараёни ёки таълим олувчилар фаолиятини текшириш, 
тавсифлаш учун қўлланиладиган методика.
Ташхисий интервью – шахс хусусиятлари ҳақида объектив ахборот олиш 
учун касбий маслаҳатнинг дастлабки даврида фойдаланиладиган метод.  
Ташхис мақсади – муайян ўқув фани таркибида билимларни текширишнинг 
кўп босқичли тизими. 
Ташқи толерантлик – шахснинг ўзида шаклланган толерантлтк 
тамойилларини бировларга нисбатан қўллай олиш ва бошқалар билан ҳамкорлик 
қилиш жараёни. 
Таълим – ўқувчи ва талабаларга билим бериш, уларни тарбиялаш, 
ривожлантириш кўникма ва малакалар ҳосил қилиш жараёни, ёшларни ҳаётга ва 
меҳнатга тайёрлашнинг асосий воситаси. 

---

- 71 - 
71 
Таълим ахбороти – муайян фаолият тури, ихтисосини амалга оширишда 
қўллаши учун таълим олувчига тақдим этиладиган билим. 
Таълим бериш, ўқитиш – 1) таълим жараёнининг асосий томонларидан бири, 
ўқувчининг тезкор фаолияти, билимлар заҳирасини ўзлаштириши, уларни 
мустақил эгаллаш усулларини ўрганиши ҳамда амалда қўллашни билишига 
йўналтирилади; 2) ўқитувчи томонидан ўқувчи ва талабаларга билим бериш, 
ривожлантириш ва ижтимоий ҳаётга тайёрлаш жараёни.