2.2-чизма. Миссиянинг
асосий элементлари
Базавий йўналишларга махсулот / хизмат тизими бўйича,
истъемолчилар / бозор тизими бўйича ва технологик харакатлар бўйича
йўналишлар киради.
Миссиянинг иккинчи элементи-
ўсиш ва фойдадорлик ташкилот учун
мухимдир. Ўзининг рақобатбардошлигини сақлаб туришда ўз иқтисодий
ўсишини таъминлаб бориши мақсадга мувофиқдир. Фойдадорлик
ташкилотнинг барқарор ўсишидан дарак
бериши туфайли миссиянинг
аҳамиятли қисми хисобланади.
Бизнес стуктураси тушунчасида ташкилот қайси фаолият тури билан
шуғулланишини билдиради. Иқтисодиётда унинг структураси қуйидаги
шакллардан бирида намоён бўлади:
оддий бизнес- бир маҳсулли (бир тармоқли);
доминантли бизнес-бир махсулот (бир тармоқ)га эътибор
қаратилиб диверсификациялашган
нисбий бизнес – диверсификациялашган
Тўртинчи унсур-
ижтимоий маъсулият. К.Девис ва Р.Бломстром бу
элементни “ўз мақсадлари билан мувофиқлаштирган холда жамият
фаровонлигини
таъминлашга
қаратилган
олий
раҳбариятнинг
маъжбуриятлари”
5
деб таърифлайди. Бунда жамиятга ташкилот мақсадлари ва
харакатлари хақидаги маълумотни етказиш учун PR хизматидан кенг
фойдаланиш мақсадга мувофиқдир.
Мисол тариқасида, К.Бехзод номидаги МРДИ Санъатшунослик
факультети “Менежмент ва информатика” кафедрасининг қисқача
миссиясини қуйидагича ифодалаш мумкин:
“Менежмент ва информатика” кафедрасининг миссияси:
5
Стратегическое планирование и управление/ под ред. проф. А.Н.Петрова.Учебное
пособие-СПбУЭФ,1999
“Бутун мамлакатимиз миқёсида тасвирий ва амалий санъат, ҳамда
дизайн йўналишидаги менежментни ҳар тарафлама ривожлантиришда
кўмаклашиш учун бозор иқтисодиёти талабларига мос равишда юқори
малакали ва юқори савияли мутахассислар тайёрлаш орқали илмий, таълим
олишга ёрдам берадиган , ижодий ва консультацион фаолиятни амалга
ошириш”.
Қуйида чет элда фаолият юритувчи бир нечта санъат муассасаларининг
миссияси келтирилган
6
:
Шотландия музейлари. Бирон бир регион ҳаётини
акс эттирувчи
маданиятга оид моддий предметларни тўплаш, сақлаш ва кўргазма
этиш билан шуғулланадилар. Маҳалий дааражадаги маданиятни
ривожлнтириш мақсадида музей имкониятларидан максимал
тарзда фойдаланиш учун улар ўз фаолиятини ривожлантиришга
харакат қилмоқдалар. Ўз фаолиятларини керакли маблағлар билан
таъминлашга интилишади ва маблағлардан самарали фойдаланиш
билан улар жамият олдида маъсулиятни ўз бўйнига оладилар.
Тасвирий санъат галереяси. Унинг ишбилармонлик сиёсати
тасвирий санъатни барча шаклларида тадқиқ этишга қаратилган.
Шу билан бирга бадиий асарларнинг сифати ва асллигига урғу
берилади.
Роттердам рақс ансамбли. Рақс санъати
тури ва бутун маданият
ривожига ёрдам берадиган, шу билан бирга барча географик
чегаралар, ҳамда санъат сифатида рақс чегараларидан ўтиб жаҳон
халқлари ва миллий рақслар соҳасида эришилган ютуқларни
намоён қилади.
Миннесот
университети.
Мазкур
штат
фуқароларининг
эҳтиёжларига йўнлтирилган катта кўламдаги ўқув дастурларини
амалга оширади.
Канада визуал санъати маркази- ижтимоий ҳаётда фаол
қатнашувчи хусусий нотижорат оммабоп муассасадир.
Катталар
ва болаларга мўлжалланган умумий ҳамда профессионал тарзда
ривожлантириш мақсадида тасвирий ва амалий санъатни тарғиб
этиш билан шуғулланади.
Миссия асосида муассаса мақсадлари белгиланади. Ундан фарқи
мақсадлар бир маълум даврга қўйилади.
Келажакдаги ташкилот аҳволини тавсифловчи умумий фикрлар
стратегик мақсадларни белгилайди. Стратегик мақсадларни расмий деб ҳам
аташади, чунки уларда ташкилотнинг мақсад ва нияти ўз аксини топади.
Стратегик режалаштиришда стратегик мақсадларга эришиш учун
компаниянинг харакати ҳамда унинг ресурсларининг тақсимланиши
кўрсатилади. Одатда стратегик режалаштириш узоқ муддатли характерга эга
бўлади.
6
М.Драгивчевич-Шешич, Б.Стойкович. “Культура:
менеджмент, аннтмация,
маркетинг”. Новосибирск, издательский дом ”Тигра”, 2000
Фирманинг бўлинма ва асосий бўлимлари эришиши керак бўлган
натижалар тактик мақсадлар деб белгиланади. Уларнинг амалга ошиши учун
маъсулиятни ўрта бўғин менежерлари ўз зиммасига оладилар. Тактик
мақсадлар ташкилот стратегик мақсадига эришиши учун унинг бўлинмалари
нима қилиши кераклигини белгилаб беради.
Тактик режалар стратегик режаларни амалга ошишда кўмаклашади ва
фирма стратегиясининг маълум этапини ўтишни тақозо қилади.
Бўлим, ишчи гурух ва индивидуал ходимлар муваффақ бўлиши
лозим
бўлган аниқ натижалар операцион (оператив) мақсадларни ташкил қилади.
Операцион (оператив) режалар ташкилотнинг қуйи бўғинида ишлаб
чиқилади ва улар тактик режаларнинг амалга ошишини таъминлайди.
Do'stlaringiz bilan baham: 
