Бошланғич таълим кафедраси

тушунчасига қуйидагича ѐндашдик: бу - вазиятни структуралаш, математик 
боғланишларни аниқлаш, жараѐнларни математик моделларини тузиш, уларни 
таҳлил қилиш ва кўринишларини ўзгартириш, олинган натижалар бўйича 
тегишли асосланган ва мақбул ҳулосалар чиқариш орқали ижтимоий ва касбий 
фаолиятга тайѐр бўлиш.
Иқтисодий ривожланган давлатлар тажрибаси ва юқоридаги фикрларни 
ҳисобга олган ҳолда, тўғри мантиқий мушоҳада юритишга, кундалик 
ҳаѐтимизда дуч келинадиган эҳтимоллий-статистик характерга эга масалаларни 
ечишга, жумладан турли кўринишда берилган маълумотларни таҳлил этиш 
усулларига, хавфларни аниқлаш ва баҳолашга имкон берувчи “Маълумотлар 
ва имкониятлар” номли бўлим А1 ва А+ даражаларига пропедевтик тарзда 
киритилишини лозим деб топдик.  
Масалалар ҳақида.
Математика фанини ўқитишнинг негизини масалалар ташкил этиши 
барчамизга маълум. Шунга қарамасдан, биз айрим фикрларимизни келтириш 
лозим деб топдик.
Биринчидан, ўқувчиларда математикага бўлган қизиқишларини орттириш, 
таянч компетенцияларга эришиш учун таълим жараѐнида амалий ва 
ностандарт характердаги масалалардан фойдаланмасдан эришиб бўлмайди. 
Бундай масалаларни ечиш ўқувчиларда анализ, синтез, аналогия, 
умумлаштириш, дедукция ва индукция каби мантиқий мушоҳада юритиш 
фаолиятини, интуиция, эгилувчанлик ва мослашувчанлик каби фазилатларни 
ривожлантириб, ўқувчиларни олинган натижалар устида танқидий фикрлашни 
ўргатади. Кўпинча амалий ва ностандарт характердаги масалаларни ечими 
дархол топилмасдан, бир неча бор уринишлар натижасидагина аниқланишлиги 
сабабли, бу мақсадга эришиш учун тиришқоқ бўлишликни, яъни шахснинг 
иродалилик каби жуда аҳамиятли сифатларни таркиб топишига имкон беради. 
Ва ниҳоят, энг асосийси: бундай масалаларни ечилиши ўқувчиларга натижага 
эришилганлик билан, ва шунингдек ечим йўлининг гўзаллиги ва анъанавий 
эмаслиги билан боғлиқ бўлган катта эмоционал завқ берилиши катта аҳамиятга 
эга. Бундай масалалар барча даражаларда киритилиши лозим. 
Иккинчидан, математик масалаларга ўқитишнинг воситаси сифатида 
қаралса унга икки ҳил ѐндашиш мумкин: