Шошилинч педиатрия экстремал тиббиёт асослари билан

Суяк ва буғимлар шикастланиши
1.
Бемор аҳволи стабиллашгач, синиш, чиқиш ва юмшоқ тўқималар 
шикастланишини даволашга киришилади. Синиш ва чиқишлар, шу жумладан 
шубҳа қилинганлари ҳам шиналанади. Агар бемор шокга қарши пневматик 
костюмда ѐки шина қўйилган ҳолда топилса, синишни рентгенологик тасдиқлаш 
керак бўлади. Шиналар фақатгина синиш истисно қилингандан кейингина олиб 
ташланади. Акс ҳолатларда улар махсус ѐрдам кўрсатилгунча қолдирилади.
2.
Тери ѐки шиллиқ қаватлари жароҳатланган барча беморларга қоқшолга қарши 
профилактика ўтказилади.

---

110 
3.
Агар охирги ревакцинациядан кейин 10 йилгача вақт ўтган бўлса, 0, 5 мл қоқшолга 
қарши адсорбирланган анатоксин юборилади. Тоза ва юза жароҳатларда 
профилактика ўтказмаслик мумкин 
4.
Агар охирги ревакцинациядан кейин 10 йилдан ортиқ вақт ўтган бўлса, барча 
жароҳатланганларга 0, 5 мл қоқшолга қарши адсорбирланган анатоксин юборилади. 
5.
Иммунизация курсини тўлиқ олмаган ѐки эмлаш тўғрисида маълумотлари бўлмаса,
0, 5 мл қоқшолга қарши адсорбирланган анатоксин ва 250 ЕД қоқшолга қарши 
иммуноглобулин юборилади. Кейинчалик ҳар ойда анатоксин инъекцияси қилинган 
ҳолда фаол иммунизациясини якунлаш керак. 
6.
Бемор аҳволини такрор баҳолаш госпитализация керак ѐки керак эмаслигини 
аниқлаш учун ўтказилади. Бирламчи баҳолаш, физикал кўрув ва ҳаетий 
кўрсаткичлар такроран текширилади. Ўтказилган шошилинч ѐрдам самарадорлиги 
аниқланади ва кейинги тактика аниқланади. 
7.
Госпитализация. Бемор аҳволи стабиллашгач ва ҳаѐтий муҳим функциялар 
меъѐрлашгач, беморга қайси даво муассасасида махсус ѐрдам кўрсатилиши 
мумкинлигини аниқлаш керак. Бемор мос даволаш муассасасига госпитализация 
қилинади. 
8.
Транспортировка ва ҳужжатларни тўлдириш. Транспортировка тури жароҳат турига 
ва бемор аҳволига боғлиқ.. Транспортировка вақтида содир бўлган барча ҳолатлар 
ҳакидаги маълумотларни қайд қилувчи ва клиник белгилар динамикасини ифода 
этувчи кузатув варақаси ҳар бир беморга тўлдирилади. Транспортировка вақтида 
ортиқча тадбирларга вақт сарфламаслик чоралари кўрилиши лозим ва беморни 
зудлик билан яқин бўлган мос келувчи тиббий муассасага етказиш зарур. Йўл 
давомида жорий ҳолат ва ўтказилган тадбирларнинг тўлиқ матни ѐзиладиган 
кузатув варақаси тўлдирилади.