Шошилинч педиатрия экстремал тиббиёт асослари билан

1.Воқеа жойини баҳолаш ва хавфсизликни таъминлаш 
 
Воқеа жойини баҳолашда бемор сизнинг ҳаѐтингизга ва соғлиғингизга хавф 
солмаѐтганлигига, шошилинч ѐрдам кўрсатиш хавфли эмаслигига тўлиқ ишонч ҳосил 
қилган ҳолда, жароҳат механизмни ўрганиш керак. Жароҳат механизмини ўрганиш 
орқали шифохонагача босқичда аниқлаш имконияти бўлмаган яширин жароҳатлар хақида 
ҳам қўшимча маълумотларни билиб олиш мумкин. Бу босқичда шифокор ўзиннинг ва ўз 
гуруҳининг хавфсизлигини шахсий ҳимоя воситаларидан фойдаланган ҳолда максимал 
таъминлаши, атрофдагиларнинг хавфсизлигини таъминлаши, гувоҳларнинг 
яқинлашишига чек қўйиши ҳамда беморнинг ўзи «хавфли» эмаслигига ишонч ҳосил 
қилиши лозим. 
2.Бемор аҳволини бирламчи баҳолаш

АВСDE бўйича баҳолаш ѐки ҳаѐтий хавфли ҳолатларни аниқлаш: 
А. Нафас йўллари ўтказувчанлигини баҳолаш. Агар нафас йўллари ўтказувчанлиги 
бузилган бўлса, сабабини аниқлаш ва ѐрдам кўрсатиш. 

---

106 
В. Нафасни баҳолаш. Нафас етишмовчилиги бўлганда сабабини аниқлаш, зарурат бўлса, 
кислород билан таъминлаган ҳолда ЁСУВ га ўтказиш, ѐки СУВ ни амалга ошириш. 
С. Қон айланишини баҳолаш. Юрак фаолияти бузилганда сабабини аниқлаш ва ѐрдам 
кўрсатиш. Юрак тўхтаганда юракнинг ѐпиқ массажини бошлаш. Очиқ қон кетишини 
аниқлаш ва тўхтатиш. 
D. AVPU шкаласи бўйича ҳуш даражасини аниқлаш. Ушбу шкала бўйича баҳолаш 
кўрсаткичларига асосланган ҳолда ҳаво ўтказувчи найларни қўллаш. 
Е. Бутун тананинг тезкор физикал текширувини ўтказиш (бош, бўйин, кўкрак қафаси,
қорин, чаноқ, оѐқлар, қўллар, замбилга, бел тахтасига ѐки бошқа мосламага беморни 
олишда тананинг – орқа томони). 
Ҳаѐтий хавфли ҳолатлар йўқотилгандан сўнг Глазго шкаласи бўйича ҳуш даражасини 
аниқлаш ва ҳаѐтий кўрсаткичлар: ЮҚС, НС, АҚБ, қорачиқларнинг ѐруғликка реакцияси, 
тери қопламларининг рангини баҳолаш, бутун тананинг йўналтирилган физикал 
текшируви билан бемор аҳволини ABCDE бўйича иккиламчи қайта баҳолаш ўтказиш.