Samarqand davlat tibbiyot instituti. Mavlyanov f. Sh., MAVLYANOV Sh. X., Xayitov u. X. Tibbiyot kasbiga kirish

Qorin bo’shlig’i а’zolаridа operаtsiya qilingаn
bolаlаr pаrvаrishi. tibbiy muolаjаlаrni bаjаrish usuli. 
Chov churrasi, moyak pardasi istiskosi, kriptorxizm (moyakni o’z o’rniga 
tushmasligi) kabi rejali operatsiyalardan keyin bolalar ikkinchi kuni o’z-o’zlariga 
xizmat qilishlari mumkin. (yuvinish, ovqat yeyish, hojat chiqarish). Ichaklarda 
qilinadigan operatsiyalardan so’ng 3-4 kun ichida bola to’shakda yotishi va parxez 
qilishi lozim. 
Ichak rivojlanishining nuqsonlari, Girshprung kasalligi, ichak tutilishi, qorin 
bo’shlig’i o’smalari, qorin pardasining yallig’lanishi, me’da ichakdan qon ketish kabi 
kasalliklar sababli operatsiya qilingan bolalar alohida e’tibor berish hamda yaxshilab 
parvarish qilib borishga muxtoj bo’lishadi. Narkoz holatidan chiqqanidan keyin 
bolalar, kasalligiga qarab, karavotda ma’lum holatda yotqizib qo’yiladi: qorin pardasi 
yallig’langanda (peritonit) yarim o’tiradigan qilib joylashtiriladi, ichakdan qon 
ketganida bosh tomoni birmuncha ko’tarib qo’yiladi. 
Dastlabki 2-3 kun ichida bemorga ovqat berilmaydi, ko’pincha me’daga burun 
orqali yumshoq naycha qo’yiladi (zond) va bu naychadan chiqqan suyuqlikka e’tibor 
beriladi (har 2 soatda naycha yuvilib turishi kerak). Shifokor ruxsat berganda, shu 
naycha orqali bolaga suv berish mumkin. Bolaga ovqat berish tartibini faqat shifokor 
ko’rsatmasiga qat’iy rioya qilgan ravishda saqlash shart. 
Operatsiyalardan keyin ichaklardagi gazlarni chiqishi qiyinlashadi, bemorning 
qorni damlaydi, og’riq paydo bo’lishi mumkin, nafas olishi qiyinlashadi. Buni oldini 
olish uchun kislorod bilan nafas olinadi, to’g’ri ichakka gaz chiqaruvchi naycha 
qo’yiladi, shifokor ko’rsatmasi bo’yicha natriy xloridning 5-10% eritmasi bilan 
huqna qo’yiladi. 
Qorin bo’shlig’i a’zolarida operatsiya qilingan bolani parvarish qilayotgan 
hamshira operatsiya asoratlarining ayrim belgilarini bilishi kerak. Masalan: ichaklar 
bir-biriga yopishib qolganda ichak tutilishi ro’y beradi, bu holatda bemorning qorni 
og’riydi va damlaydi, u tez-tez qusadi, axlati va bod chiqmaydi. Bunday vaqtda 
hamshira darxol shifokorni chiqarishi shart. 

---

86 
Bemorning qorin bo’shlig’iga operatsiya vaqti naychalar qo’yilgan bo’lishi 
mumkin. Bu naychalarrning nima uchun qo’yilganligi va ularni qanday nazorat 
qilinishini hamshira shifokordan so’rab bilishi kerak. 
.