Samarqand davlat tibbiyot instituti. Mavlyanov f. Sh., MAVLYANOV Sh. X., Xayitov u. X. Tibbiyot kasbiga kirish

Sakkizsimon bog’lov
qo’yilganda bintning yo’nalishi sakkiz raqamini 
shaklini takrorlagan ravishda bo’ladi. Bunday bog’lov sathi noto’g’ri bo’lgan badan 
qismlarini bog’lash uchun qulay hisoblanadi. Ensa sohasi va bo’yinning orqa qismiga 
bu bog’lov quyidagicha bog’lanadi: bint bosh aylanasini o’rab mustahkamlanadi, 
keyin chap quloq orqasidan qiyshiq yo’nalish bilan pastga qarab tushib bo’yinning 
pastki qismiga bo’yin sathining o’ng yoni bilan olib boriladi, bo’yin oldiga o’tiladi va 
bo’yinning orqa tomonidan o’ng quloq tomon yurgiziladi. Boshning oldidan 
aylantirib bint yana chap quloqning ostidan o’tadi va bundan oldingi qavatning 
yo’lini takrorlab, bosh ustidan o’tadi va bosh aylanmasida mahkamlanadi. Kaft ustiga 
bir-birini kesib o’tadigan chorraxaga o’xshash bog’lovni qo’yishda bint bilak-kaft 
bo’g’inidan sal yuqori aylantirib bog’lanadi, undan keyin bint qiyshiq yo’nalishda 
kaft usti bo’ylab kaftga tushadi, kaft aylanasidan o’raladi va ikkinchi qavati kesib 
o’tib yuqoriga ko’tariladi. Keyin yo’nalishlar navbatlashadi va bog’lov kaft ustida 
mahkamlanadi. 

---

99 
5. 
Boshoqqa o’xshash bog’lov 
– qo’yishni tartibi sakkizsimon bog’lovnikiday bo’lib 
bintning yo’nalishlari bir-birini kesib o’tadigan yerda avvalgi yo’nalishni to’la 
qoplamay balki bir chiziq bo’yicha kesishib o’tib pastda yoki avvalgidan yuqorida 
yotadi. Bintning yo’nalishlari bir-birini kesib o’tgan yer boshoq ko’rinishiga o’xshab 
qoladi. Bunday bog’lov yelka ustida quyidagicha bog’lanadi: bint qog’lom qo’ltiq 
orqali ko’krak oldiga olib boriladi, yelkaning ustidan o’tib oldingi, tashqi va orqa 
sathi bo’ylab aylanib, o’rta sathi bo’ylab keladi, qo’ltiq sohasidan yelka bo’ylab 
qiyshiq holatda yuqoriga ko’tariladi, avvalgi yo’nalish yelkaning yon sathi ustidan 
kesib o’tib, orqaga ketadi va orqa bo’ylab sog’lom qo’ltiqqa keladi. Bu yerdan 
birinchi yo’nalish takrorlanadi, bu yuqoriroq o’tadigan uchinchi yo’nalishdir, 
ikkinchi marta o’ralsa to’rtinchi qavat yo’li bosiladi.

---

100 
Tizza sohasida bir-biridan uzoqlashadigan bog’lov tizza ko’zi orqali aylanib 
yo’nalish bilan boshlanadi, undan keyin bint pastda va yuqorida bog’lanadi. Bintlar 
tizza chuqurligida bir - birini kesib o’tadi va birinchi yo’nalishdan ikki tomonga 
qarab ajralib borgan sari bo’g’in sohasini yopadi. Bog’lov sonli aylantirib bog’lab 
mahkamlanadi.