Samarqand davlat tibbiyot instituti. Mavlyanov f. Sh., MAVLYANOV Sh. X., Xayitov u. X. Tibbiyot kasbiga kirish

 
Qalpoqsimon bog’lov
qaytib keladigan bog’lovlar turiga kirib boshni qoplash 
uchun ishlatiladi. Buning uchun bintni bosh aylanasiga o’rab mustahkamlanadi, keyin 
buklanadi va bint boshning yon sathidan avvalgi bint qavatiga qaraganda bir qancha 
qiyshiq olib boriladi. Ensada bint ikkinchi marta buklanib boshning ikkinchi 
tomonidan yon tomoniga mahkamlanadi. Bintning oldingi va orqadagi buklangan 
qismlari bintni bosh aylanasiga o’rab mahkamlanadi, qiyshiq yo’nalishlar bilan 
boshning yon sathlari qoplanadi, bint bosh aylanasiga o’ralib ilgariga qavatlari 
mahkamlanadi va butun bosh qoplaguncha yon tomondan bintni o’rash davom etiladi. 
Boshni bog’laganda bintning buklangan yerini pastroq tushirishga harakat qilish 
kerak, bintni bosh aylanasiga o’rab bularni mahkamlash mumkin. Аmmo bunday 
bog’lovlar mahkam bo’lmaydi, chunki chiqkib ketishi mumkin. Shuning uchun og’ir 
bemorlar boshini bog’lashga bular yaramaydi.

---

101 
Boshdagi bog’lov chiqkib ketmasligi uchun uni bir parcha bint bilan pastki 
jag’ga bog’lash qulay («Chepes» bosh kiyimiga o’xshatib). Bu bog’lov quyidagicha 
qo’yiladi: bintdan yirtib olingan bir parchasining o’rta qismi boshning tepa sohasiga 
qo’yiladi va uchlari ikki tomondan quloqlarning oldidan pastga tushiriladi va 
bemorning yoki yordamchining qo’liga tortib turish uchun o’tkaziladi. Bosh 
aylanasiga bint o’raladi, keyin bog’lab qo’ygan yerga yetib, bintni buning atrofidan 
aylantirib va bir qancha qiyshiq olib borib ensa bog’lanadi. Shuningdek, ikkinchi 
tomonda bog’lov bint tik tushgan qavatning aylanasidan olib qiyshiq ravishda davom 
qilib peshona va chakka qismini qoplaydi. Shunday qilib har martada bint tik tushgan 
qavatni aylanib o’tib bergan sari qiyshiq ravishda boshning hamma qismi 
qoplanguncha o’raladi va tik tushgan uchlari bilan qo’shilib iyak ostidan bog’lanib 
mahkamlanadi. (8 rasm)