Loyiha matni 49901-(61999)

15-modda. Korrupsiyadan xolilik
Tadbirkorlikni amalga oshirish va uni davlat tomonidan tartibga solish jarayoni korrupsiya
holatlarining har qanday koʻrinishlari, shu jumladan manfaatlar toʻqnashuvi va huquqni tanlab
qoʻllashdan holi boʻlishi lozim.
Tadbirkorlikni davlat tomonidan tartibga solish jarayonida tadbirkorlik subyektlarining davlat
organlari bilan toʻgʻridan-toʻgʻri aloqasini cheklash maqsadida qonunchilik hujjatlarida “yagona darcha”
prinsipi nazarda tutilishi lozim, bundan qonunchilikda nazarda tutilgan hollar mustasno.
16-modda. Tadbirkorlikni rivojlantirishni ragʻbatlantirish
Tadbirkorlikni rivojlantirishni ragʻbatlantirish tadbirkorlik subyektlarini himoya qilish va
qoʻllab-quvvatlash, shu jumladan ularga qulay huquqiy, iqtisodiy, ijtimoiy sharoit va kafolatlarni yaratish
orqali amalga oshiriladi.
17-modda. Tadbirkorlik subyektlarining faoliyatiga davlatning noqonuniy aralashishiga
yoʻl qoʻymaslik
Davlat hokimiyati va boshqaruvi organlari, tashkilotlari, muassasalari, fuqarolarning oʻzini-oʻzi
boshqarish organlari hamda ularning mansabdor shaxslari tadbirkorlik subyektlarining qonunchilikka
muvofiq amalga oshirayotgan faoliyatiga aralashishga haqli emas.
18-modda. Norma ijodkorligida tadbirkorlik subyektlarining ishtiroki
Tadbirkorlik subyektlari ularning manfaatlariga daxldor boʻlgan normativ-huquqiy hujjatlar
loyihalari, Oʻzbekiston Respublikasining xalqaro shartnomalari loyihalarini, shuningdek Oʻzbekiston
Respublikasi aʼzo boʻlishi kutilayotgan xalqaro shartnomalari loyihalarini ishlab chiqishda va
ekspertizadan oʻtkazishda tadbirkorlik subyektlarining birlashmalari yoki mustaqil ravishda normativ-
huquqiy hujjatlar loyihalarining jamoatchilik muhokamasi orqali qonunchilikda belgilangan tartibda
ishtirok etadilar.
Tadbirkorlik faoliyatiga taʼsir koʻrsatuvchi normativ-huquqiy hujjatlar va ularning loyihalari
tartibga solish taʼsirini baholashdan oʻtkaziladi.