Loyiha matni 49901-(61999)

11-modda. Davlat organlari faoliyatining shaffofligi va axborotdan foydalanishning
ochiqligi
Davlat organlarining faoliyati qonunchilikda belgilangan doirada ochiq va oshkora boʻlishi
kerak.
Davlat organlari tadbirkorlik subyektlarining manfaatlariga daxldor qarorlarini qabul qilish
jarayonining shaffofligini taʼminlashi shart.
Davlat organlarida mavjud boʻlgan va tadbirkorlik subyektlari uchun zarur hisoblangan
maʼlumotlar, agar davlat sirlariga ega boʻlmagan, qonunchilik hujjatlari bilan ulardan foydalanish
cheklanmagan yoki taqiqlanmagan boʻlsa, foydalanish uchun ochiq boʻlishi lozim.
12-modda. Tadbirkorlikni davlat tomonidan tartibga solishning samaradorligi
Tadbirkorlikni davlat tomonidan tartibga solish vositalari samaradorligiga uni asoslash, baholash,
kelishish va monitoring qilish kabi majburiy tartiblar orqali erishiladi.
13-modda. Huquqbuzarliklar profilaktikasi ustuvorligi
Tadbirkorlikni amalga oshirishdagi qonuniylikni taʼminlashda huquqbuzarlik profilaktikasi
tadbirkorlik subyektlariga huquqiy taʼsir choralarini qoʻllashga nisbatan ustuvor ahamiyatga ega.
14-modda. Tadbirkorlik subyektlarining vijdonliligi prezumpsiyasi
Tadbirkorlikni davlat tomonidan tartibga solish jarayonida tadbirkorlik subyektlarining oʻz
vazifalarini bajarish va qonuniy huquqlarini amalga oshirishga oid har qanday harakatlari vijdonan
bajarilganligining aksi rasmiy tartibda isbotlanmagunga qadar vijdonan bajarilgan deb taxmin qilinadi.
Tadbirkorlik subyekti oʻz huquqlarini va qonuniy manfaatlarini amalga oshirishda va (yoki)
majburiyatlarini bajarishda qonunchilik hujjatlarida belgilangan talablarga rioya qilgan boʻlsa vijdonli
hisoblanadi.

---

project.gov.uz
06.06.2022
5
Tadbirkorlik subyektlari tomonidan davlat organlariga taqdim etilgan rasmiy maʼlumotlar sud
yoki vakolatli davlat organi tomonidan mazkur maʼlumotlar ishonchliligining aksi rasmiy tartibda
isbotlanmagunga qadar ishonchli hisoblanadi.