Loyiha matni 49901-(61999)

7-modda. Tadbirkorlikning erkinligi
Har qanday shaxs tadbirkorlik bilan Oʻzbekiston Respublikasining butun hududida va uning
tashqarisida erkin shugʻullanish, shuningdek oʻz mulkidan har qanday qonuniy tadbirkorlik faoliyatida
foydalanish huquqiga ega.
Tadbirkorlik subyektlari qonunchilikda taqiqlanmagan har qanday faoliyatni amalga oshirishga
haqli.
8-modda. Tadbirkorlik subyektlarining tengligi
Tadbirkorlik subyektlari ularning mulkchilik shakli va boshqa har qanday holatidan qatʼi nazar
qonun va sud oldida tengdirlar.
Tadbirkorlik subyektlari tadbirkorlikni amalga oshirishda teng imkoniyatlarga ega hisoblanadi.
9-modda. Halol raqobat
Insofsiz raqobatga, raqobatni cheklashga yoki raqobatchilarni tegishli bozordan chetlatishga olib
keladigan harakatlar taqiqlanadi.
Monopoliyaga qarshi tartibga solish Oʻzbekiston Respublikasida tovar (ish, xizmat)larning erkin
aylanishi va iqtisodiy faoliyat erkinligi, iqtisodiy muhitning birligini taʼminlash, tovar bozorlarining
samarali ishlashi uchun shart-sharoitlar yaratish va raqobatni himoya qilish maqsadida amalga oshiriladi.
10-modda. Davlat, tadbirkorlik subyektlari va isteʼmolchilarning manfaatlari oʻrtasidagi
muvozanat
Tadbirkorlikni davlat tomonidan tartibga solish shakllari va vositalarini joriy etish tadbirkorlik
subyektlariga eng kam obyektiv yuklamalar bilan isteʼmolchilarning huquqlarini maksimal darajada
himoya qilishni, faoliyatning yoki harakatlarning xavfsizlik darajasi yetarliligini taʼminlash maqsadida

---

project.gov.uz
06.06.2022
4
amalga oshiriladi.
Davlat organlari tadbirkorlikni davlat tomonidan tartibga solishni amalga oshirishda tadbirkorlik
subyektlaridan qonunchilik hujjatlarida nazarda tutilmagan hujjatlar va (yoki) qoʻshimcha maʼlumotlarni
talab qilishga yoʻl qoʻyilmaydi.
Tadbirkorlikni amalga oshirish uchun qonunchilikda belgilangan majburiy talablar tadbirkorlik
subyektlari uchun faoliyat xavfsizligini lozim darajasini taʼminlash uchun yetarli boʻlgan minimal
shartlar, standartlar va koʻrsatkichlar majmuidan iborat boʻlishi kerak.