Loyiha matni 49901-(61999)

4-modda. Tadbirkorlik subyektlari va davlatning oʻzaro munosabatlari
Oʻzbekiston Respublikasida tadbirkorlik subyektlari va davlatning oʻzaro munosabatlari
tadbirkorlik tashabbuslarini ragʻbatlantirish, tadbirkorlikni rivojlantirish uchun qulay shart-sharoitlarni
yaratish hamda tadbirkorlik subyektlarining oʻz huquq va qonuniy manfaatlarini mustaqil himoya qilish
imkoniyatlarini kengaytirishga qaratilgan.
5-modda. Tadbirkorlik faoliyatining asosiy prinsiplari
Tadbirkorlik faoliyatining asosiy prinsiplari quyidagilardan iborat:
qonuniylik;
tadbirkorlikning erkinligi;
tadbirkorlik subyektlarining tengligi;
halol raqobat;
davlat, tadbirkorlik subyektlari va isteʼmolchilarning manfaatlari oʻrtasidagi muvozanat;
davlat organlari faoliyatining shaffofligi va axborotdan foydalanishning ochiqligi;
tadbirkorlikni davlat tomonidan tartibga solishning samaradorligi;
huquqbuzarliklar profilaktikasi ustuvorligi;
tadbirkorlik subyektlarining vijdonliligi prezumpsiyasi;
korrupsiyadan xolilik;
tadbirkorlikni rivojlantirishni ragʻbatlantirish;
tadbirkorlik subyektlarining faoliyatiga davlatning noqonuniy aralashishiga yoʻl qoʻymaslik;
norma ijodkorligida tadbirkorlik subyektlarining ishtiroki;
tadbirkorlikning ijtimoiy masʼuliyatini ragʻbatlantirish;
davlatning tadbirkorlik faoliyatida cheklangan tarzda ishtiroki;
tadbirkorlik subyektlari huquqlarining ustuvorligi.
Tadbirkorlik subyektlari faoliyatini davlat tomonidan nazorat qilishning asosiy prinsiplari ushbu
moddaning birinchi qismida belgilangan tadbirkorlik faoliyatining asosiy prinsiplari bilan bir qatorda

---

project.gov.uz
06.06.2022
3
ushbu Kodeksning 22-moddasida belgilangan prinsiplardan iborat.
6-modda. Qonuniylik
Davlat organlari va ularning mansabdor shaxslari tadbirkorlikni davlat tomonidan nazorat
qilishda, tadbirkorlik subyektlari tadbirkorlik faoliyatini amalga oshirayotganda, Oʻzbekiston
Respublikasi Konstitutsiyasi, ushbu Kodeks va boshqa qonunchilik hujjatlariga rioya qilishga
majburdirlar.