Табиий шифо воситалари 3-китоб тошкент

Бодомдан дориворлар тайёрлаш усулларига мисоллар: 

Ярим стакан ширин бодом мағзи устига 2 стакан қайноқ сув қуйиб, 15-
20 дақиқа қайнатилиб, сузиб олинади ва тайёр бўлган қайнатмадан 
болалар қизамиқ бўлганида 1/3 стакандан кунига 3 маҳал ичиш 
буюрилади.

Сурги қилиш мақсадида бодом мойини 1 ош қошиқдан кунига 2-3 
маҳал ичиш учун буюрилади. 
 

---

Аюпов Равшан Хамдамович 
114 
 
Гилоснинг шифобахш неъматлиги 
Гилос (Черешня) бўйи баъзан 15-20 метрга борадиган дарахт бўлиб, 
шох-шаббаси унчалик мустаҳкам эмас (мўрт бўлади). Барглари тухумсимон 
ёки эллипссимон, четлари аррасимон қирқилган, бандли. Гуллари оқ, 
диаметри 5 см гача боради, тўкилиш маҳалига келганда пуштироқ тусга 
киради. Меваси – думалоқ ёки тухумсимон шаклда бўладиган данакли мева, 
серсув, этдор, қизил, сариқ, пушти ёки деярли қора рангда бўлади. Гилос 
апрель-май ойларида гуллайди, мевалари май-июнда етилади. Табобатда 
ишлатиладиган органлари мевалари ва мева бандларидир. 
Гилос мевасида 10% гача қанд моддалари, гемицеллюлоза, клетчатка, 
пектин, органик кислоталар, минерал моддалар, шунингдек С, В
1
, В
2
В
6
витаминлари, каротин бор. Булардан ташқари, гилос меваларида флавоноид 
гликозидлар, ошловчи ва бўёқ моддалар бўлиб, эфир мойи ҳам топилган.
Халқ табобатида гилос меваларининг суви ва қайнатмаси иштаҳани 
очиш ва овқат ҳазмини яхшилаш учун, нафас йўлларининг яллиғланиш 
касалликларида балғам кўчирадиган восита сифатида, шунингдаек юқумли 
касалликлар ва шамоллаш касалликлари даврида иссиқни туширадиган ва 
умуман қувватга киритадиган восита сифатида ишлатилади. Гилос мевалари 
ҳўллигича ёки қоқи холида истеъмол қилинади ва ични юмшатадиган таъсир 
ҳам кўрсатади.
Гилос гуллари ва баргларидан қўшиб тайёрланган малҳамни яра-
жароҳатлар ҳамда чипқонларга қўйилади. Гилос мевалари бандларидан 
тайёрланган қайнатма буйрак-тош касаллигига даво сифатида ҳам 
буюрилади. Замонавий табобатда гилос меваларидан камқонлик, гиперацид 
гастрит, меъда-яра касаллиги, ичак атонияси ва спастик колитларда парҳез 
таом сифатида фойдаланилади. Гилос болалар овқати учун мева суви, компот 
ва ҳўл мева ҳолида ҳам кўп ишлатилади.