Microsoft Word Bolalar nevrologiyasi end doc

Kasallikni kechishi va profilaktikasi.
 
Uch shoxli nervni nevralgiyasi vaqti-
vaqti bilan qo‘zg‘alib turadigan surunkali kasalliklar qatoriga kiradi. Kamdan-kam 
hollarda davolangandan keyin kasallik o‘tib ketishi mumkin. Iliq va sovuq oylarda, 
ya’ni bahor va kuzda kasallik qo‘zg‘alishi mumkin. Shuning uchun bemorlar o‘zini 
sovuq ta’siridan, shamollashdan, qon bosimini ko‘tarilishidan, ehtiyot qilishlari 
lozim.
Radikulopatiyalar 
Radikulopatiyalar orqa miya ildizlarini orqa miyadan to tugunlargacha 
shikastlanishidir. Radikulopatiyalar birlamchi va ikkilamchi bo‘ladi. Birlamchilari 
infeksion va toksik etiologiyali, ikkilamchilari /simptomatik/ orqa miya ildizlarini 
o‘rab turgan to‘qimalardagi patologik jarayon, birinchi navbatda umurtqalardagi 
/diskoz, osteoxondroz, shikastlanish, o‘smalar/ o‘zgarishlar sababli paydo bo‘ladi.
Radikulopatiyalarni o‘tkir va surunkali bosqichlari bor. Ko‘pchilik hollarda 
surunkali radikulopatiyalar vaqti-vaqti bilan qo‘zg‘alib turishi mumkin. 
Radikulopatiyalar uchun xos bo‘lgan umumiy belgilar quyidagilar: og‘riq 
sindromi, paresteziyalar, ildizlarni tortib tekshirish belgilari: Lasseg, Bexterev, 
Neri, Vasserman, Matskevich, Dejerin ijobiy bo‘ladi, hamda elektr qo‘zg‘a-
luvchanlik o‘zgarib, vegetativ innervatsiyani segmentar zararlanishi kuzatiladi. 
Zararlanish joyiga qarab meningoradikulopatiyalar, radikulogangliopatiyalar, 
radikulonevropatiyalar tavofut qilinadi. Meningoradikulopatiyalarda orqa miya 
ildizlari bilan bir qatorda orqa miya pardalari yallig‘lanadi. Bu kasallikda 
radikulyar hamda meningial belgilar: Kerning, Brudzinskiy ijobiy bo‘ladi, orqa 
miya suyuqligida hujayralar ko‘payib ketadi. Agar patologik jarayon orqa miya 
moddasiga o‘tsa kasallikni meningomiyeloradikulit deyiladi. Radikuloganglionitda 
patologik o‘choq asosan umurtqalararo tugunlar sohasida bo‘ladi. 
Radikulonevritda, orqa miya ildizi bilan bir qatorda nerv o‘zaklarini zararlanishi 
/atrofiya, gipo yoki arefleksiya, sezgi o‘zgarishlari/ nervni innervatsiya qiladigan 
sohada bo‘ladi.
Shikastlanish o‘chog‘ini joylashganligiga qarab, bo‘yin, bo‘yin-ko‘krak, 
ko‘krak, bel-dumg‘aza radikulopatiyalari farqlanadi. Bular ichida ko‘proq bel-
dumg‘aza radikulopatiyasi uchraydi.