Microsoft Word Bolalar nevrologiyasi end doc

Differensial tashhisi.
Bel-dumg‘aza radikulopatiyasini quyidagi kasalliklar bilan qiyosiy 
taqqoslash mumkin: 
1.
Psoit – m.iliopsoas ni yiringli yallig‘lanish hisoblanib, bu kasallikda 
qorinni palpatsiyasida og‘riq bo‘ladi. Tana harorati ko‘tariladi, qonda yallig‘lanish 
va per rectum tekshirilganda harorat yuqori bo‘ladi. . 
2.
Orqa miyaning ekstramedulyar o‘smasi /birlamchi, metastatik/. Og‘riq 
juda qattiq bo‘ladi, davolanishni aytarli foydasi bo‘lmaydi, asta-sekin nevrologik 
belgilar kuchayib boradi, issiq muolajalar qilinganda og‘riq kuchayib ketadi. Bu 
hollarda rentgenologik va orqa miya suyuqligini tekshirish lozim.
3.
Sil koksiti. Bemor mahalliy chanoq son bo‘g‘imidagi og‘riqqa 
shikoyat qiladi. Harakat shu bo‘g‘imda chegaralangan, tovonga urilganda ushbu 
bo‘g‘imda og‘riq bo‘ladi va teri burmasi silliqlashib qoladi. Shu bilan birga 

---

 284
rentgenologik o‘zgarishlar va anamnezda sil kasalligi borligi diagnozni to‘g‘ri 
qo‘yishga yordam beradi.
4.
Sakrolitda – og‘riq dumg‘aza sohasida bo‘lib, doimiy yoki huruj 
xarakteriga ega bo‘ladi. O‘tirganda, turganda og‘riq kuchayadi. Ayniqsa tizza va 
chanoq-son bo‘g‘imida bukilganda, oyoqni tashqariga burganda va rotatsiya 
qilinganda og‘riq kuchayib ketadi. Lasseg belgisini tekshirganda ikkala davrida 
ham og‘riq bo‘ladi. Bemor kichik qadam tashlab, og‘irligini sog‘ oyog‘iga tashlab 
yuradi. Agar sakrolit ikki tomonda bo‘lsa “o‘rdak” yurish xarakterlidir. Albatta 
rentgenologik tekshirish o‘tkazilishi shart.
5.
Miozit, mialgiya. Og‘riq diffuz xarakterga ega bo‘lib, nerv o‘zaklarini 
tortish belgilari va asab tolalarini o‘tkazuvchanligini buzilish belgilari bo‘lmaydi.
6.
Ayollarda ginekologik va buyrak xastaliklarini differentsiyalash uchun 
shu kasalliklarni klinik belgilarini yaxshi bilish kerak, tekshirish usullaridan 
mutaxassis ko‘rigidan foydalangan holda o‘tkazish lozim.