Microsoft Word Bolalar nevrologiyasi end doc

Migren 
– (
gemikraniya) da og‘riq xuruji bir necha soatdan bir necha 
kungacha bo‘lib, xurujdan oldin aura kuzatiladi. Og‘riq boshning o‘ng yoki chap 
yarmida bo‘lib, ko‘ngil aynab va qusgandan so‘ng og‘riq kuchi kamayadi. 
Migrenda og‘riq ko‘p hollarda kunning ma’lum soatiga yoki kechasi bezovta 
qiladi. Bu kasallikda triger nuqtasida og‘riq bo‘lmaydi.
Chakka-jag‘ bo‘g‘imini artritida 
ham og‘riq kuzatiladi, ammo bu og‘riq shu 
bo‘g‘im atrofida bo‘lib, og‘izni yumib ochganda kuchayadi. Rentgenologik 
tekshirishda bo‘g‘imda o‘zgarishlar ko‘riladi.
Gaymor bo‘shlig‘ining o‘tkir yallig‘lanishida – 
og‘riq doimiy bo‘ladi. 
Gaymorit shamollashdan keyin paydo bo‘lib, burunga yiringli modda chiqadi, bosh 
og‘rig‘i kuzatiladi, tana harorati ko‘tariladi, qonda yallig‘lanish holati va 
rentgenologik tekshirishda o‘zgarishlar kuzatiladi.
Quloqdagi o‘tkir og‘riqlar
 – 
ko‘p hollarda, hatto trigeminal nevralgiya 
diagnozi qo‘yilishiga olib keladi. Chunki o‘rta quloqda yig‘ilgan yiring quloq 
pardasini bosib, og‘riq paydo qiladi va bu og‘riq chakkaga, jag‘ga uzatilishi 
mumkin. O‘rta quloqdagi yallig‘lanish tana haroratini ko‘tarilishi, og‘riqni 
doimiyligi, qondagi o‘zgarishlar, triger nuqtasini bo‘lmasligi bilan trigeminal 
nevralgiyadan farq qiladi. Albatta otolaringalogik tekshirishning ahamiyati katta.
Chakka va chaynov mushaklari miozitida
 – 
mushaklarda doimiy og‘riq 
bo‘ladi. Palpasiya qilinganda kichkina, tugunchalar seziladi. Triger va Valle 
nuqtalarida og‘riq bo‘lmaydi. Issiq va massaj qilingandan so‘ng og‘riq o‘tib ketadi. 

---

 281
Glaukoma
 – 
o‘tkir glaukomada og‘riq ko‘z olmasida, peshona qismida 
paydo bo‘lib, kallaning tepa, ensa qismlariga uzatiladi. Ko‘ngil ayniydi. Ko‘z 
olmasi qizarib, ko‘rish o‘tkirligi kamayadi. Triger nuqtalarida og‘riqlar bo‘lmaydi.
Trigeminal nevralgiyada beriladigan shifo dorilari foydasi bo‘lmaydi.