Microsoft Word Bolalar nevrologiyasi end doc

Davolash.
Yuz nervini infeksion etiologiyali nevritini davolash ikki 
bosqichda olib boriladi. O‘tkir davrida yallig‘lanishga qarshi va keyingi davrda 
nervni faoliyatini tiklash uchun muolajalar qilinadi. Kasallikning o‘tkir davrida 
antibiotiklar, sulfanilamid dorilari, kalsiy xlorid yoki kalsiy glyukonat, 
antigistamin dorilari, salitsilatlar, urotropin va degidratatsiya qiluvchi dorilar 
(laziks, gipotiazid, furosemid) hamda vitamin C
beriladi. Ba’zi hollarda juda zarur 
bo‘lganda kortikosteriodlar tavsiya etiladi. Bu davrda quruq isituvchi muolajalar 
(UVCh, sollyuks, kvarts) beriladi. 7-10 kundan so‘ng neyrometobolitlar (nootropil, 
serebrolizin) galvanizatsiya, salitsilatlarni Bergone uslubi bilan yuborish, parafin, 
massaj berish mumkin. Bu vaqtga kelib biostimulyator (aloe, gumizol, fibs, 
vitamin V guruhi, 2-3 haftadan so‘ng antixolinesteraz dorilar) galantamin, 
prozerin, kalimin, oksazil va fizioterapiya kompleks muolaja hamda nina bilan 
davolash lozim. Yuz nervini nevropatiyasi arterial gipertoniya, ateroskleroz sababli 
kelib chiqsa, antisklerotik, gipotensiv dorilar tavsiya etiladi. Simptomatik yuz 
nervini nevritida kasallikni asosiy sababini aniqlab, uni davolash lozim. Davolash 
jarayonida yumilgan ko‘zni antiseptik suyuqliklar (furatsilin, bor kislotasi) bilan 
yuvib turish lozim. Agar kasalliklarni sababi yuz nervini kalla suyagidan chiqish 
(for.stylomastoideus) teshikni torayganligini natijasida bo‘lsa, dekomressiya 
jarroxlik muolajasi qilinadi. Simtomatik muolajalar (og‘riq qoldiruvchi, 
trankvilizatorlar beriladi). Yuz nervini nevropatiyasiga to‘g‘ri diagnoz qo‘yilib, o‘z 
vaqtida davolansa asoratsiz to‘liq tiklanadi. Ba’zi og‘ir hollarda mimik 
mushaklarni faoliyati tiklanmay ularda kontraktura paydo bo‘ladi. Bu holatda 
lidaza, midakalm, nikotin kislotasini mahalliy yuborish kerak bo‘ladi.
Kasallikni kechishi.
 
Yuz nervini xastaligini kechishida to‘rtta davr 
kuzatiladi: o‘tkir davri-1,5 oygacha, o‘tkir davridan keyingi-3 oygacha, tiklanish 
davri va surunkali yoki qoldiq davri.
Profilaktika.
Yuz nervini qaytadan yallig‘lanmasligi uchun, shamollashdan 
extiyot qilish, organizmdagi infeksion o‘choqli kasalliklarni oxirigacha davolash 
va bolalarni chiniqtirish, badan tarbiya mashg‘ulotlar bilan shug‘ullanish tavsiya 
etiladi.