1-БЎлим. Бахтли ҳаёт асослари бахтнинг баҳоси қанча?

ЭРКАКЛАР НИМА ҚИЛИШЛАРИ КЕРАК? 
Оилада эркаклар ўрни муҳим. Улар жамиятнинг кичик бўғинида раҳбардирлар. Ҳар бир 
масалада эркаклар ҳиссаси катта бўлади. Шу жумладан, оилавий можароларни ҳал этишда ҳам. Бироқ 
айрим эркаклар қайнона билан келин ўртасига тушишни ўзларига эп кўрмайди, буни хотинларнинг 
ишига аралашиш деб билади. Аслида ҳам шундаймикан? Эркакларнинг бу борадаги вазифалари 
нималардан иборат? 
1. Аввало, ҳар бир эркак онасига бўлган меҳр-муҳаббати билан хотинига нисбатан севгисини 
бир-биридан фарқлай олсин. Эркак билсин: жаннат оналар оѐғи остида. Шунинг учун онани доим рози 
қилиш, дуоларини олиш лозим. Қачон қараса, хотинининг ѐнини олиб, онасига қарши чиқаверса, 
қаттиқ гуноҳкор бўлади. 
Шу билан бирга, эркак аѐлига адолат қилиши, унга ҳам яхши муносабатда бўлиши талаб 
этилади. Чунки хотини – фарзандларининг онаси. Шундай экан, эркак қайнона-келин жанжалида 
бетараф бўлиб, орани ўнглашга, икки тарафни яраштиришга ҳаракат қилади. Онасига ҳам, хотинига 
ҳам яхши гапириб, ширин сўзлар билан келишмовчилик олдини олади. 
2. Эркак киши онасидан хотини ҳақида эшитган нохуш гапларни сукут сақлаб тинглайди. Агар 
айтилган гап рост бўлса, уни тузатишга ваъда беради. Агар онаси ноҳақ бўлса, ширин сўзлар билан 
онасини тинчлантиради, “Ҳали яхши бўлиб кетади”, деб унинг кўнглида умид учқунларини ѐқади. 
3. Шу билан бирга, онаси ҳақида хотинидан эшитган ѐқимсиз сўзларни онасига етказмасин. 
Орани ислоҳ қилиш учун онасига шундай дейиши мумкин: “Сиз менинг онамсиз, бошимдаги 
тожимсиз. Ҳеч нарса мени Сиздан ажратолмайди. Аммо келинингиз ҳали ѐш, тажрибасиз. Унга 
ѐрдамлашишингизни, оналик қилишингизни истайман!” 
Хотинни тинчлантириш учун шундай дейилади: “Ҳеч қандай муаммо орамизни бузолмайди. 
Ҳеч бир сабаб сени мендан ажратолмайди. Фақат, онамнинг кўнгиллари нозик. Шунинг учун вақти-
вақти билан қўполлик қилсалар, раъйларига қара, уларни рози қил, мен учун сабрли бўл!” 
4. Эркак киши қайнота-қайнонасига – қизларига эр бўлганидан – хурсандлигини билдирсин, 
шундай фарзандни ўстирганлари учун уларга ташаккур айтсин. Тил билан айтмаса ҳам, қилаѐтган 
иши, айтган гапидан аѐлининг ота-онаси шуни уқиб олсинлар. 
5. Эркак онасига нисбатан хотинини юмшатсин, муросага келтириш учун шу мавзудаги 
китоблардан, суҳбатлардан фойдалансин. Чунки кўпинча эрнинг хотинига айтадиган сўзидан кўра 
бирон манбадан ўқиши ѐки тинглаши яхшироқ таъсир қилади
66
.