1-БЎлим. Бахтли ҳаёт асослари бахтнинг баҳоси қанча?

ОИЛАВИЙ ХИЁНАТГА НИМАЛАР САБАБ БЎЛАДИ? 
60
Манба: “1001 саволга психологнинг 1001 жавоби”, 92-94-бетлар. 
61
Манба: “1001 саволга психологнинг 1001 жавоби”, 147-151-бетлар. 

---

87 
Афсуски, кейинги йилларда никоҳдан ташқари жинсий муносабат (зино, фаҳш ишлар) 
бирмунча кўпайгани кузатилмоқда. Бу ўз-ўзидан пайдо бўлмайди. Қандайдир омиллар билан шундай 
қабиҳликка қўл урилади. Шу маънода қуйида хиѐнатга сабаб бўлувчи айрим омилларни санаб ўтамиз: 
1. Имони заифлик, оила муқаддас эканини унутиш, турмуш ўртоғига нисбатан садоқат ҳисини 
ѐдидан чиқариш, нафсига қул бўлиш; 
2. Жуфти билан жинсий ҳаѐтдан қониқмаслик, эҳтиѐжларнинг бир-бирига мос келмаслиги; 
3. Билим, кўникма, малака орасида катта тафовут борлиги; 
4. Турмуш ўртоғининг касаллиги, эркакдаги жинсий ожизлик, аѐлдаги жинсий совуққонлик; 
5. Турмуш ўртоғига нисбатан муҳаббат ҳиси йўқлиги; 
6. Мажбуран турмуш қуриш; 
7. Моддий бойликка қизиқиб оила қуриш; 
8. Турмуш ўртоғидан тўйиниш; 
9. Ўзга аѐл ѐки эркакни “севиб” қолиш; 
10. Моддий тобелик (пул, уй-жой билан таъминлагани учун фаҳш иш содир этиш); 
11. Эски “ошналари” билан “дийдорлашиш”; 
12. Спиртли ичимликлар, ҳаром-хариш егуликлар таъсирига тушиб қолиш; 
13. Ўзининг кимлигини ўзгаларга кўз-кўз қилишга ишқибозлик (Бундай нокаслар танишлари 
орасида обрў орттириш пайида бўлади, кўз остига олган одамни ўзига жазман тутади. Улар учун 
жазманнинг ташқи кўриниши эмас, сони муҳим); 
14. Оилавий жанжаллар сабаб эр-хотин бир-биридан совиши; 
15. Эрнинг хотинига ѐки хотиннинг эрига жаҳл қилиши; 
16. Ёшликда етарлича тарбия берилмагани; 
17. Эр ѐки хотиндан бирининг узоқ муддат оиладан четда яшаши (сафарда, ҳарбий хизматда 
ѐки қамоқда бўлиш); 
18. Муҳитнинг бузилиши, “куѐвлар шаҳри”, “келин шаҳри” каби лаънатланган жойларнинг 
мавжудлиги; 
19. Матбуотда, телевизорда бузуқликка, фаҳш ишларга тарғиб этувчи маълумотларни ўқиш, 
кўрсатувларни томоша қилиш. 
Умуман олганда, хиѐнат энг жирканч ишдир. Бунга асосий сабаб дин-диѐнатдан йироқлик, 
етарлича тарбия кўрмаслик, илмсизлик, маънан бузуқликдир. Ақлли, имон-эътиқодли инсон 
хиѐнатнинг яқинига ҳам йўламайди, фаҳш ишлардан қаттиқ ҳазар қилади
62
.