1-БЎлим. Бахтли ҳаёт асослари бахтнинг баҳоси қанча?

ЭР-ХОТИН ЎРТАСИДА МУҲАББАТНИ КУЧАЙТИРУВЧИ 10 ТА ВОСИТА 
Кимда-ким банкка қўйган пули кўпайишини истаса, бунинг чорасини излайди. Худди шунга 
ўхшаб, ким аѐли билан ўзаро муҳаббати янада кучайишини истаса, бунинг иложини топади. Қуйида, 
жуфтлар ўртасида муҳаббатни кучайтирадиган 10 та воситани келтирамиз. 
1. Ўзаро ҳадялар улашиш. 
Масалан, уйқуга ѐтишдан олдин чиройли атиргулни ѐки чиройли рангли қоғозга гўзал сўзлар 
ѐзиб, аѐлингиз ѐстиғи устига қўйсангиз, бу нарса жуфтингизга қанчалик ижобий таъсир этишини 
кўрасиз. Эр аѐлига ҳадяни табассум, ѐқимли сўзлар билан берадиган бўлса, унинг қалбида эрига 
нисбатан кучли меҳр уйғонади. Ўз навбатида аѐл ҳам эрига қўлидан келганича меҳрини жўштирадиган 
бирор ҳадя бергани яхши. 
2. Ўзаро гаплашиб ўтириш учун алоҳида вақт ажратиш. 
Суҳбат чоғида ҳам бир-бирларининг сўзини алоҳида эътибор билан эшитишга ҳаракат 
қилишлари керак. Албатта, бунда самимийлик йўқолмаслигига аҳамият берилади. 
3. Эрнинг аѐлига, аѐлнинг эрига ўтли қараши. 
Эр-хотин ўртасидаги расмий муносабатлар, яъни эр-хотиннинг ўз вазифаларини бажариши ѐки 
бир-бирларига севги изҳор қилишларининг ўзи муҳаббатни кучайтиришга кифоя қилмайди. Баъзида 
гап-сўзсиз имо-ишоралар, қарашлар, овоздаги ўзига хос оҳанглар, муҳаббатга лиммо-лим ўтли нигоҳ 
ҳам ишни битириши мумкин. Буларнинг ҳаммаси кўнгил, руҳият орқали амалга оширилади. 
4. Ишга кетаѐтганда илиқ хайрлашиш, ишдан қайтганда илиқ қарши олиш. 
5. Аѐлни мақтаб туриш. Уни ҳамма нарсадан қизғанишини одоб билан изҳор этиш. 
6. Баъзи ишларда аѐлга кўмаклашиш. 
Масалан, уйдаги шахсий кутубхона китобларини тартибга келтириш, баъзи таомларни 
пиширишда ѐрдамлашиш ва ҳоказо. Зеро, Пайғамбаримиз алайҳиссалом рўзғор ишларига ѐрдам берар, 
кийимларини ўзлари тикардилар. 
7. Ширин сўз. 
58
Манба: “Ҳилол” тақвимининг 2009-йилги 2-сони, 76-77-бетлари. 

---

83 
Эр ҳам, хотин ҳам бир-бирига шундай сўзларни топиб гапирсин, натижада ўрталаридаги 
муҳаббат яна ҳам кучайсин. Масалан, бир-бирига севишини айтсин, “Сиз менга Аллоҳнинг 
неъматисиз” каби сўзларни айтиш айни муддао. 
8. Суҳбат учун ҳеч ким халақит бермайдиган тинч жой танлаш. 
Бунда ҳатто болалар овози, шовқин-сурони ҳам эшитилмасин. Тўла хотиржамлик ҳис қилиб 
суҳбатлашиш эр-хотин ўртасидаги ўзаро ишончни, меҳрни янада жонлантиради. 
9. Ўртадаги муҳаббат меъѐрида бўлишига эътибор бериш. 
Бу – жуда муҳим масала. Бир-бирини жуда қаттиқ ҳам севмасин, жуда бегоналашиб ҳам 
кетмасин. Ҳамма ишда мўътадиллик яхши. Зеро, муҳаббатга муккадан кетишдан қайтарилган. Ўртада 
масофани сақлайман деб узоқлашиб ҳам кетмаслик керак. Акс ҳолда муҳаббатга путур етади. Кўп 
оилавий муаммолар аслида мана шу бегоналашувдан келиб чиқади. 
10. Эр-хотин бир-бирига оғир дамларда далда бўлиши. 
Масалан, аѐл касал бўлиб қолганда ѐки ҳомиладорлик даврида унга ҳар тарафдан суянч 
кераклигини эр доим ѐдида тутсин. Шунингдек, эрининг бирор сабаб билан кайфияти тушганини, 
аѐлининг меҳрига, далдасига муҳтожлигини фаросатли аѐл дарҳол сезиб, қўлидан келган ѐрдамини 
бериши, эрининг ѐнида туриши матлубдир. Шериги дардига ҳамдард бўлиш, уни қийнаѐтган 
муаммодан қийналиш ўртадаги муҳаббатни мисли кўрилмаган даражада ошириб юборади
59
.