1-БЎлим. Бахтли ҳаёт асослари бахтнинг баҳоси қанча?

УЗУН ВА УШАЛМАС ОРЗУ 
Сен хайру саховат, бунѐдкорлик, фидокорлик сифатлари билан кўзга кўринар, гуллаб-яшнар 
экансан, шубҳасиз, аччиқ бўҳтонларга, ҳеч тинчимайдиган тиш-тирноқли тўқнашувларга дуч 
келаверасан. Токи ерга кириб кетадиган бирон тешик ѐки осмонга чиқиб кетадиган бир нарвон топиб 
қочиб кетмагунингча, улар сенга тинчлик беришмайди. Модомики сен ўшалар орасида яшар 
экансан, сенга ѐмонлик қилишларига, кўзингдан қонли ѐшлар оқизишларига, ѐтоғингда ҳам тинч 
қўймасликларига кўз тутавер. 
Ерда ўтирган одам йиқилмайди, ўлик итга тегмайдилар. Лекин сен уларнинг ғазабини 
қўзғайсан. Чунки сен илмда, одобда ѐки мол-дунѐда улардан афзалсан. Шундай экан, сен уларнинг 
наздида бу хислатларингдан, Аллоҳ сенга берган неъматлардан, мақтовга лойиқ сифатларингдан 
ажраб, улар каби аҳмоқ, нодон, ичидан емирилган ношуд, тугаган “мирқуруқ”лар қаторига тушиб 
қолмагунингча кечирилмас гуноҳкорсан гўѐ. Улар аниқ шуни хоҳлайдилар. Энди сен уларнинг ҳар 
хил гап-сўзларию танқидларига, бўҳтонларию ҳақоратларига мисоли тоғдек саботли бўл. Ўзининг 
мавжудлигини, боқий қудратини исботлаш учун ҳар қандай дўл-довул остида мардона турадиган 
ҳайбатли харсанг тош каби бўл. 
Агар сен уларнинг гапига қулоқ тутсанг, ундан таъсирланадиган бўлсанг, уларнинг ҳаѐтингни 
лойқалатиш, умрингни ғамга ботиришдек бузуқ орзуларини рўѐбга чиқарган бўласан. Балки сен 
уларни чиройли тарзда кечир, улардан юз ўгир, макр-ҳийлаларига сиқилма. Чунки уларнинг тубан 
танқидлари сенинг таржимаи ҳолингда ҳурматга лойиқ саҳифа бўлиб қолажак. 
Сен уларнинг оғзини ѐпишга, тилини тийиб қўйишга қодир эмассан. Бироқ танқидларини 
йўқлик бағрига кўмишга, узоқлашиш билан уларни жазолашга, аҳмоқона ишларига бепарво 
бўлишга, сўзларини тингламасликка қодирсан. 
Сен ўз фазилатларингни янада ошириш, ўзингни янаям тўғри тутиш билан уларнинг 
оғизларига қалампир уруғини солиб қўя оласан. Демак, сен барчага бирдек мақбул (манзур), маҳбуб 
(севимли) бўлишни, айбсиз кўринишни хоҳласанг, узун ва ушалмас нарсани орзу қилибсан
9
.