Н. Қ. ЙЎлдошев, Г. Э. Захидов

Саноат 
холдинглари
ишлаб 
чиқариш 
фаолияти 
билан 
шуғулланмайдилар. Улар ўзларига қарашли корхоналар фаолияти устидан 
назоратни амалга оширадилар. Холдингга кируви компаниялар юридик ва 
хўжалик эркинлигини сақлаб қоладилар ва ўз номларидан тижорат 
битимларини тузадилар. 
Молия-саноат гуруҳлари (МСГ)
ўз таркибига саноат корхоналари, 
тадқиқот ташкилотлари, савдо фирмалари, банклар, инвестицион фондлар ва 
суғурта компанияларини бирлаштирадилар. 
Гуруҳнинг бошида бир ѐки бир неча банклар туради, улар унга кирувчи 
компанияларнинг пул сармояларини бошқарадилар ҳамда уларнинг 
фаолиятини мувофиқлаштирадилар. Бошқа бирлашмаларга нисбатан молия-
саноат гуруҳи ташкилий расмиятчиликни камайтириши билан фарқланади. 
Унга қарашли ҳар бир фирма савдо битимларида мустақил қатнашади. Аммо 
бош компания, аслида , муҳим қарорлар қабул қилишда марказ ҳисобланади. 
Бундай интеграциялашишнинг асосий мақсадлари қуйидагилар: 
-
инвестицион ресурсларни иқтисодиѐт ривожланишининг устувор 
йўналишларида жамлаш; 
-
илмий-техник тараққиѐтни жадаллаштириш; 

---

170 
-
мамлакат корхоналари маҳсулотларининг экспорт салоҳияти ва 
рақобатбардошлигини ошириш; 
-
мамлакат саноатида илғор таркибий ўзгаришларни амалга ошириш; 
-
бозор иқтисодиѐти, рақобатли иқтисодий муҳит шароитларида 
оқилона технологик ва кооперацион алоқаларни шакллантириш. 
Тажрибага кўра Ўзбекистон Республикасида фаолият юритувчи МСГ 
йирик инвестицион лойиҳаларни амалга оширадилар, ишлаб чиқаришнинг 
пасайишига қарши курашадилар ва пулни барқарорлашига кўмаклашадилар. 
Бундан ташқари, МСГ қайта қуриш даврида етишмаган ресурсларни 
соҳалараро қайта тақсимлаш механизмларини тўлдирадилар ва ишончли, 
сифат талабларига жавоб берувчи етказиб беришлар ва сотишлар учун 
шароитлар яратадилар. Корхона ва ташкилотларни гуруҳга бирлашиши 
жаҳон бозоридаги ташқи иқтисодий ўринни кучайтиради, у ерда кўпинча 
трансмиллий корпорациялар кўпроқ қудратли салоҳиятга эга бўлган молия-
саноат-савдо мажмуаси каби ташкил этилган.