Microsoft Word kuk turklari asiri ziyouz com doc

www.ziyouz.com
kutubxonasi 
45
u hokimiyatni boshqarishdan avval Falak bilan munosabatini aniqlashtirib olishi 
lozimligini anglab yetgan. U yerda bir general bo‘lib, garchi u tirik bo‘lsa ham, «shanlar» 
darajasiga yetgan va bu kabi ruhiy holatlarni yaxshi bilardi. Shuning uchun Imperatorga 
akasininig xotirasidan qutulish uchun bir gulxan yoqishni va shundan keyin 
yashayotganlar va ruhlar o‘rtasida yangi qonun va tartiblar ishlab chiqishni aytadi. Olov 
saroyni va u bilan birga marhum akaninig xotirasini o‘chirib tashlagach, Imperator o‘z 
generalini tiriklar va o‘liklar uchun yozilgan qonunlarning ikki kitobini saqlayotgan 
adirdagi bir ustoz oldiga yuboradi. Kunlarning birida maxsus marosimdan keyin 
Imperator kitoblarning birinchisini ochib o‘qiydi. Odamlarning baxtiga barcha qonunlar 
bir xil edi. Shundan keyin u ikkinchi kitobni olib, qo‘rqinch ichra Imperatorligini o‘z 
o‘g‘liga qoldirishini o‘qiydi va shu tariqa «shanlar» ierarxiyasini boshqarib boradi... Mana 
shu narsa Falak qonuni edi... 
Ichi Lyang jim qoldi, lekin ot yana bir kishnadi-yu, Tongyuquq sokinlikni buzib yubordi...
58
Noam gapimni bo‘lib, uyalmasdan akasi unga g‘amxo‘rlik qilmayotganini aytdi. U menga 
qarab kuldi va men bu qarashdan titrab ketdim. Rostini aytsam, men bu kabi aka-
ukalarni juda yaxshi bilaman, ularning marhumlarni ko‘rarga ko‘zi yo‘q, janozaga esa 
qalin kitoblarni ko‘tarib kelib, marosim davomida jamoatchilik ichida ko‘zbo‘yamachilik 
qilib, balandparvoz parchalarni o‘qib o‘tirishadi. Bundaylar tobut ichida yotgan marhum 
birodarlaridan ko‘ra, ularning soyalariga ko‘proq marhamat ko‘rsatishadi. 
59
Barcha dinlar anjumani bir tekisda davom etayotgandi. Biroq, bir safar Oltoy Shomon 
an'anasining asosan «chuqur tomoq ovozi» bilan kuylayotgan va qolgan vaqtda 
beo‘xshov gaplarni gapiradigan g‘alati bir vakiliga tarjima qilib turganimda, Lama sektasi 
noiblari namoyishkorona anjuman zalini tark etishdi. Sessiyani boshqarib turgan yahudiy 
ravvin kuylashni va tarjimani to‘xtatib, poplar, mullalar, yepiskoplar, presviterianlar, 
kvakerlar va boshqa mormon va ruhoniylar orasidagi qizil kiyimli «birodarlar» sektasiga 
murojaat qildi. Lekin ular e'tibor bermay chiqib ketaverishdi, vaholanki ularning 
tarjimoni prezidium tomonga yurib, menga bayonotnomani topshirdi, bu bizga 
o‘xshagan intellktual proletarlar birligining belgisi edi. Men bayonotni ochib, undagi 
«...ning Muqaddas Nomi bilan... - Norozilik nomasi» degan sarlavhani ko‘rishim bilan 
darhol uni rais janoblariga uzatdim. O'rtamizdagi Shomon esa kuylashdan to‘xtab, 
jimgina kutib turardi. Ravvin qog‘ozni duo kabi ochib o‘qidi va hech bir ikkilanmasdan 
tanaffus e'lon qildi. 
Keyin nima bo‘lganini bilib oldim. Lama sektasining aniqlashicha, pravoslav bo‘lmagan 
mustaqil ruhoniylardan biri bu yerda Budda rohiblaridan birining qiyofasi xunuk va 
haqoratli tarzda tasvirlangan kitobni tarqatib yurgan va go‘yoki u kuniga ikki marta 
Shaytonga ibodat qilarmish. Bu kitobni hech kim o‘qimadi, chuni u niderland yo dat 
tilida edi, lekin birdan bu masala e'tiqodlar o‘rtasidagi qaynoq tortishuvga sabab bo‘ldi, 

---

Ko‘k Turklari asiri (roman). Nouman Smaylz