Toshkent tibbiyot akademiyasi ergashev u. Y. Xirurgik kasalliklar

Gipotenar flegmonasida 
keskin intoksikatsiya kuzatilmasa ham, to‘qimalarda 
keskin shish, giperemiya, taranglashuv, paypaslaganda kuchli og‘riq va og‘riqning 
V barmoqni harakatlantirganda kuchayishi xarakterli. 
U-simon flegmona. 
Bu flegmona boshqalariga qaraganda og‘irrog‘i bo‘lib, I yoki 
V barmoq pay xasmolining asorati sifatida jarayonning sinovial qopchalar orqali 
tarqalishidan kelib chiqadi.
U-simon flegmona klinik manzarasi 
keskin intoksikatsiya, tana haroratining 
oshishi, bosh og‘rishi va umumiy holsizlik bilan kechadi. Bunda kaft shishgan, 
ko‘kimtir-qizg‘ish rangda, paypaslaganda keskin og‘riqli. Barmoqlar biroz 

---

236 
bukilgan bo‘lib, faol harakatlar yo‘q, passiv harakatlar keskin og‘riqqa sabab 
bo‘ladi.
Komissural flegmona
. Kaftning distal qismi kaft yuzasida rivojlanadi. Bunda 
infeksiyaning kirish darvozalari bo‘lib, qadoqlangan, dag‘al terining II-IV kaft 
falangan bo‘g‘im proeksiyaldaridagi yorilgan sohalari xizmat qiladi. Shuning 
uchun ham ba’zan bu kasallik qadoq abssessi deb ham ataladi. U keskin og‘riqlar, 
kaft ikkala yuzalarining ham keskin shishlari bilan namoyon bo‘ladi. Atrofdagi 
barmoqlar bir-biridan uzoqlashgan, falangalararo bo‘g‘imlardan bukilgan bo‘lib, 
ular yozilganda keskin og‘riq aniqlanadi. 
Komissural flegmonani davolash.
Yiringli bo‘shliqni ochib, ajralgan epidermisni 
olib tashlashdan iborat. 
Kaft orqa yuzasining teri osti flegmonasida
to‘qimalar shishi va giperemiyasi 
tarqoq xarakterda bo‘ladi va ularning chigarasini aniqlashning iloji bo‘lmaydi. 
Kaft orqa yuzasining aponevroz osti flegmonasi
infeksiyaning sanchilgan 
jarohatlarda chuqur aponevroz ostigacha kirib borishidan kelib chiqadi. 
Flegmonaning bu turida dagal infiltrat kaftning orqa yuzasida shish va teri 
giperemiyasi bilan namoyon bo‘ladi. Bu ikkala flegmonalarning davosi faqatgina 
operativ yo‘l bilan amalga oshiriladi va yiringli bo‘shliq keng qilib ochilib, 
drenajlanadi.