I-бўлим. Бухгалтерия ҳисоби асослари 1-мавзу. Бухгалтерия ҳисоби, унинг моҳияти ва турлари

7.2 Материаллар ҳаракати ҳисобини ҳужжатлаштириш 
Корхонага материалларни келиб тушиши, мол етказиб берувчиларнинг шартнома 
мажбуриятларини бажаришини корхонанинг таъминлаш бўлими назорат қилиб туради. 
Материалларни мол етказиб берувчилардан таъминлаш бўлими экспедитори етказиб беради. 
Транспорт ташкилотлари ёки мол етказиб берувчилардан юкларни қабул қилишда, биринчи 
навбатда идишларнинг (тара) ҳолати, пломбалар, материаллар сифатини текшириб чиқади. 
Агар юкларнинг шикастланиши, камомади ёки бузилишлари аниқланса, у ҳолда транспорт 
ташкилотига ёки мол етказиб берувчига даъво қилиш ҳуқуқини берувчи тижорат акт 
тузилади. 
Мол етказиб берувчи ёки транспорт ташкилотлари омбордан материалларни қабул қилиш 
учун экспедитор бухгалтериядан ишончнома олади. 
Ишончнома - корхона томонидан ишончли шахсга ёзма равишда ваколат берилган ҳужжат 
ҳисобланиб, бу орқали қонунчиликда ўрнатилган тартибда мол етказиб берувчилардан 
товар-моддий қиймаликларни қабул қилиб олади. 
Ишончномалар корхона бухгалтериясида “Бериладиган ишончномалар ҳисоби 
журнали”да рўйхатга олинади. Бу журнал рақамланган, тикиб қўйилган, охирги варағи “Бу 
журнал ... варағи рақамланди”деган ёзувнинг бўлиши, муҳрланган ва корхона раҳбари 
имзоси бўлиши керак. ”Берилган ишончномалар ҳисоби журнали” ишончномаларни 
рўйхатдан ўтказувчи жавобгар шахсда сақланади. Тўлиқ тўлдирилмаган, номига берилган 
шахснинг имзо намуналари бўлмаган ишончномалар бериш таъқиқланади. 
Ишончнома №__________
Берилган сана "____"__________201____й. 
Ишончнома 201__йил "____" ______гача ҳақиқий ҳисобланади. 
______________________________________________________ 
корхона номи ва манзили 
Ишончнома берилган шахс ______________________________ 
лавозими ва Ф.И.О. 
Паспорт серияси______№____________________________ 
Ким томонидан берилган ____________________________ 
Берилган сана "____________"_______________й. 
______________________________________________ дан 
етказиб берувчи номи 
________________ бўйича моддий бойликларни олиш учун. 
ҳужжат номи, рақами ва санаси 
Орқа томони 
Олинадиган моддий қимматликлар рўйхати 
N 
Моддий бойликлар 
номи 
Ўлчов бирлиги 
Сони (ёзув билан) 
1 
2 
3 
4 
Ишончномани олган шахснинг имзосини _________тасдиқлаймиз. 

---

99 
М.Ў. 
имзо 
Ф.И.Ш. 
имзо 
Ф.И.Ш. 
Ишончноманинг амал қилиш муддати шартнома ёки бошқа келишувларга мувофиқ 
тегишли қийматликларни қабул қилиш ва олиб кетиш имкониятига қараб, (лекин 
қонунчиликда ўрнатилган муддатлардан ўтмаслиги керак) белгиланади.